[فهد الغبين]

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]والشعر ..والاحساس ..ومنازع الروح=والروح واللي كان فيها ..ولا راح
والدمعه اللي شكلت خدى جروح=وجروحها اللي يعشقنك ياجراح
والحرف الاخر ..واخر ايام بالبوح=والصدر وانفاسه بعد ماجت بياح
والضيقة اللي من سبايبك ..مملوح=وعروق قلب مايبي غير ..ملاح
مايشفعن لي عندك ..ان قلت بتروح=ولا خلص به روح اخرى بالارواح
ذبحتني ..ياصاحبي ..ومانت مبيوح=وخليت صدري لطعنه غيابك ..مباح
ياللاسف ..عودتني ..مسابر النوح=وانوح مع ورقى شكى صدرها نياح
ياخلي اللي يطربك شادي الدوح=ماتذكر ..شلون إنتهينا بلا .. افراح
يومننا ..نتحاور ..برقي ..ونموح=صدر الغيوم ..ونرتقي فوق بجناح
يشدنا للحرف ..ونروح ونروح=لااعلى امني حرفنا ..يامها رواح
ويومننا نرقى السماء عالي سفوح=وننزل من اللهفه ..على بعضنا (...)
ويومننا نبنى من اشوقنا صروح=ونقول هذي صروحنا صعبه تنزاح
وماتذكرين شلون ..كان الهوى سوح=نهيم به مابينا بعالم سياح
ويوم القصيد يصيح والصوت مبحوح=ويزيد بصياحه على صياحنا صياح
ويوم المدى ..دفتر ..كشاكيله شروح=ومابيننا ..نفهم بعض دون شراح
علمتني كيف الالم ..رجل مشفوح=يجي اليا صدر جايع كله شفاح
وينك تعالي ..يامها كانها مزوح=ماعاد صدري حمل ياعمري مزاح
وردتي روح يابعد روحي سفوح=جيلان هم ٍ سفحها عالي اسطاح
وطعنتي قلب حبك ..وصار مسطوح=طعنة خصيم ..جر سيفه وسفاح
ياصاح صاح القلب ياصاح مسموح=حتى لو انك تطلب لموتي سلاح
بس أبي افهم يامها ..كيفها الروح=هو بعد روحي يامها ..باقي ارواح[/poem]