رفيقي ..ما على صدق النوايا في القلوب ..شهود
تدوس الشوك .. ما كنك انجرحت .. ولا دفنك تراب
ترا بيض النوايا بعضها .. أخت النوايا السود !!
بعين اللي تحب .. ويحسب انك بالغلا كذاب
رفيقي ما بقى بالارض أرض .. ولا ينع عنقود
تخيل ضيقتي لين انكسرت !!..ولا لقيت اصحاب
رحلنا ..!!ما توادعنا .. ولا قلنا الغرام يعود
صقيع البرد يتبعني .. وانا عاري سكن .. وثياب
أبي صبر .. وأبي حضن .. ووطن ما عاش به نمرود
تعبت أحيا بلا سبه !!واموت ابلا عذر واسباب
رفيقي .. والجفا ريح بدايتها هبايب نود
عواصف ..تقلع خيام الغرام .. وتلعن الأبواب
يا غايب .. ما بقت شمس تشع .. ولا جنيت ورود
ثقيل الهم في صدري .. وفي صدري كتثير عتاب
على اطلال الغرام أبكي .. وانا انبش بالغياب وعود
يذوب الشمع ..!!والذكرى كتاب من وراه كتاب
ضحك فيني الألم يوم افترقنا .. يا غضيض العود
نعس جفن الأمل ..!!ساعة تثاوب صوتك اللي غاب
تمنيتك تسولفلي عن الحاضر بدون قيود
تمنيتك تسافر بي بعينك .. والجناح اهداب
تمنيتك .. صباح الخير .. فجر للأمل منشود
تمنيتك !! مسا .. يشبة شعرك الثاير .. الجذاب
تمنيتك .. تمنيتك .. تمنيتك بدون حدود
تجيني من ظهر هالليل نـــــــــور .. ونغمة .. وهضاب
حمايم للسلام ,, بوجه .. عسكر للجفا وجنود
تخيل وش مصيري !! والحمايم ماتعرف احراب
الشاعر ..
"جاسم بن همام "