متواضعة ..
أتمنى ان تنال على بعض من استحسانكم ..
قضيتي بـ الحزن لا أكثر ولا أقل
............... مبـطي وحزني من .. سوابق حيـاتي !
دوم ارتكبها غلطتي واعترف عل :
................ أكسب رضــا نفسي ويرتاح ذاتــي
عند السـكوت يقول لي خافقي قل:
................. وعنـد الكلام يطول فيني .. سكـاتي !
سيّرت سفني في بحـر يغرق الكل!
................ ونجيت يوم الله .. كتب لي .. نجـاتي
نجيت بجروح ٍ ملت خافقي .. فـل
.................. كنّي أنولدت بـ يوم .. موعد وفاتـي !
احيان احس اني من الضيق محـتل
.................... جيش الحزن حـطّـم جسور امنياتي
واحيان احس اني لـ حالي بلا ظل
...................... تايه ورجلـي ضيّعتهــا جهــاتي!
تعبت اواجه ضيقتي .. والشعر مل
.................... بنــات فكري صار ماهن بنــاتي !
وتعبت أدور بين الاوجاع عن حـل
.................. كـن ّ الزمن حالف علي ّ.. بشـتاتي !
كل الود لمن مر من هنا ..
عبدالإله العنزي