[ديم بنت فيصل]

أضيق وأرفع يدي لله .. وأظل أطلبـه !

وأمش دمعي .. وأقول إن طالت الله لنا ..

وألد عيني .. لسجـادة صلاتـك يبـه ..

وأقول : كان آخر أيامه .. يصلي هنـا !





ما على عقلي سلاسل ولا قلبي قيـود !

وماني منزه على الناس بالصح والخطا ..

حظي اللي حط رجلي على خـط الحـدود

لين نامت ذكريات بـلا ستـر وغطـا !

لو بيدين العاشق الراحل لغيرك .. يعود !

كان بان الصدق بعيونه وبـان العطـا ..





طاحت سنيني من يدين أحباب !

من وين أجيب أيام وأحيى بـه




فراشة يلاعبها الهـواء بيـن صبـح وليـل ..

تنـام ووسادتـهـا ورود وغطـاهـا حــب

وتصحى علـى قطـرة نـدى ماسكـة منديـل

تبـي تمسـح الدنيـا طهـارة وطيبـة قلـب

إلا من مشـت ينبـت بأثـر رجلهـا قنديـل ..

وإلا من حكت يفـرح شجـر كـل ذاك الـدرب

وإلا من بدت تضحك بدا كـل غصـن يميـل !!

ويظهر ( صدر ) .. جوفه خضار وضلوعه حدب





يا رب إمتلى جوفي ذنوب وثقل ممشاي !

وأنا الخايف اللي يرجي العفو والتوبـة .





تاقف على رمل البعاد ..

وحـولـك أحبـابـك !

عينك على كل الفضاء ..

وعينـي علـى بابـك





لا تخيلت بكره .. وش يبي يصير !!

قلت : ربي .. عسى يعطيـه خيـره

جاء لقلبي .. وهو شيخ الغناديـر ..

وغاب عني .. وهو عيني البصيرة ..





يفز من غصني اليابس حمامة سـلام !

وتطيب نفسي من الشكوى .. وكثر العتب

مرات أحس الزمن .. ما يستحق الملام ..

ومرات .. يصعب علي أحزن بليا سبب !!







يرتاح سرب الهموم إن صوتوا بالأذان !

وترق نفس الرجل .. لو كان قلبه حجر ..

الله يبارك لكـل المسلميـن رمضـان ..

وتطيح منا الخطايـا ويتبقـى الأجـر !!




وحيد .. إستفردت في صدره الظلمى .. وغاب النور !!

حيا بأرض الغرام .. وماتـوا أصحابـه وجلاّسـة ..