إلى عمالقة هذا الصرح ..
إلى الرقيق .. عديل الروح ( فرحان شغيل )
إلى العذب .. سعد المطلق
إليكم جميعا
إكليلا من الورود البيضاء التي تشبه قلوبكم
لكم ما تحبون من الورد
ولكم ما تريدون من الود ..
هذه الأولى في هذه الرياض الغناء ..
يا حآدي الذكرى على الأفراح
ما عاد لك لا تنده لغيري
مآ طاح من كف الصبر مفتاح
ولا تجلت من تفاسيـري
إنك تجي وان جيت ما قد رآح
شـقاي وهـمومي وتعثيـري
سمعت صوت العازف اللماح
اللي سكن روحي وتفكيـري
غيبتك طعْنة رمحك الذباح
يا حسرتي يـا قل تدبيري
إلى متى والـروح مـا ترتاح
ولا لقيتك فـي مشاوري
خليتنـي وسـط الفضآ سبـاح
تــايه اتعاتبنـي تعـابيـري
هذي تراتيلي نسيج ارواح
لوحت لك وابعدت يا طيري
مدري متى غيم الجفا ينزاح
مدري متى تزهر نواويري
أخاف ما يمدي على الأفراح
أخاف يسرق فرحتي غيري
مودتي
عياد القحيم