بسم الله الرحمن الرحيم
هــذه الابــيــات الـمـتـواضـعـه
أهـديـهـا لكـم أحـبـتـي عـلهـا تـحـوز
ولـو علي جـزء يـسـيـر مـن اعـجـابكم
،
،
كل المعاني في وجـودك قصيـده
وكل المشاعر عقب عينك ولا شي
ياملهم احساس الغلا مـن وريـده
ياليل عمري ياسنا الشمس والضي
حتى كلامـك وان فقدتـه اعيـده
وانت الهوى للروح والزاد والمي
لو كلهم حولـي بدونـك وحيـده
وغلاك عندي طاوين مهجتي طي
بعدك عذاب وشوف لاماك عيـده
ومنساك يازبن الوغى بد أنا حـي
هديتي في يوم عرسـك قصيـده
لو كان قلبك ملك غيري مهو لـي
ان مت من حبك ترانـي شهيـده
وان عشت اخر طب للمدرك الكي
تحياتي
الجفول من الكويت