هذا النهار
هذا النهار.. ثياب شاش ..
ملح المشاش ..
حفنة طحين .. هذا النهار
حليب البكار العفر ..
أعناق المهار الصفر ..
تمر السنين .. وطين البيوت
ورث اللي لعيونك يموت ..
يا دار ..
هذا النهار ..
ركب الامام اللي ظهر ..
من أطراف الأرض ..
مغباش هجن الأربعين ..
ومض السنان اللي انكسر ..
فـ بوباة المصمك ..
هذا النهار .. من خاصرة كنزان ..
من حايط الكوت ..
من قلعة .. ابـ نجران ..
ورث اللي لعيونك يموت ..
يا دار ..
الى حفرنا قبورنا ..
في جوف الأرض
الى لمسنا اجذورنا
الله يبارك ميلادنا .. واعيادنا
الى غدت اجسادنا ..
أقدام الأرض .. تاقف عزيزة بلادنا
ما دام النهار ..