ابياتي تعيش في كنفي..لم تطلب احدا يتبناها.."
واناجي لي من الحيره كثير اصْحاب
أنا جيِلي تعب يفهم اناجِيلي
من المقتـول قومو نسأل البوّاب
لعـل الليل يقرا كف منديلي
تعبت الصدق لأن الصدق ما يْنعاب
حلمت العمر ما صادفت تأويلي ،،،
أنادي لي :/ تعال البارحه شافوك
قريب هناك لكن الثرى خانك
ينادي لي بلاش تمرني يا خوك
اخاف احمل خيانة كل من خانك
واصّوت له :/يا خالد مْرني باكر
عسى الصحراء تواري ما ذروا عنّك
عساني اكتب كبير في فلك سنّك
على اللّه اقراك واقرا المنكتب عنّك :::::: تعااااااال
[poem="font="simplified arabic,5,black,bold,normal" bkcolor="transparent" bkimage="./images/backgrounds/.gif" border="none,4,gray" type=1 line=0 align=center use=ex num="0,black""]تعـاااال: نساوم الليله:/ ونرمي الصْبح للبوّاب =يجوز يقـطْ لي شاعر قصيده من طرف فمّـه
يجوز ان ما كتب عني يسّمـر وجهي الابواب =أبْعرف كل من يسـأل علي ويشتكي غمّــه
كبرنا اجسـاد:/ ما كنا تجسّـدنا دماء وترْاب=كبْتنا ْشعور :/ أخاف انا انكتبنّا دونما همّـه
خطأ ما هو صحيح اللي حسبها لعبة الالباب=سكّت وقسمْـة الصمت الحقير تورّث الظلمـه
غطاي القلب ما يستر سوى تلويحـة الغيّاب=خطاي العـذر لو يكبر دفنته مع رفات امّـه
تبون انسى من الليله انا ناسي بدون عتـاب=وبْنسى مع تفاصيل الحـديث الناس والذمّـه[/poem]
وينادي لي :/
[poem="font="simplified arabic,5,teal,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]شفْت اش كثر خافو عليـك البارحه=نادوك من ظلمة سنينك واطْعنَـوك
مريت صـدرك تسأله من جارحه=وأهـديت عذر النور لأصحاب طفوك
بأيْة جريمـه بأْي غلطـه فادحـه=منهو خصيمـك كلهم ما سامحوك؟
ياليت تفهـم هالطيـور الجارحـْه=بأنك قريب من السماء ما يوصلوك
وانّك تطـول الغيـم بيدك ناطحـه=عزيّتهـم في طولهـم مـا طيَحّوك
حتى حـواريك القديمـه سارحـه=قالت لأبوك الشعر ما اضنّك لأبوك
شاعرْك سيرْه قْل: عليها الفاتحـه=شارعك ما يعرف رجال يشبهْـوك
لـو تنبش اخبـارك ثراك البارحه=يلْعن أبوك ويحترق كلمـا طـروك[/poem]
وانادي له :/
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]السالفــه هي بإخْتصـار السالفـه =أتعبْني الفكـر بحـدود الانحســار
خفت انكتب من جهْل ماني عارفـه=خفت انسلب من اخر وضوح النهار
يا شعـر دمـّك بالعروق وناشفـه=سكة عروق الرمل لو تهدي مسـار!
الضايعين ارض الظــلال الورافـه=ما كان ذموّني وضفـافي اخضـرار
شفني قطفتك من غصون العاطفه=حتى انهزمتك قبل ما اعْلنك انتصار
السالفـه هي بإختصار السـالفه=حبيّت اموت وقربّـوا لي احتضـار [/poem]
لكم النقاء !!