[شاعر البدر]

مٍنْ يَومْ انَا طٍفلٍ .. صغير
والنّاس / من حولي كثير
وكٍلٍ يقول:
[.. الصبر مفتاح الفرج..]
وبٍدَت.. خطاوي غربتي
انسج خيالي.. على الورق
والناس من حولي كثير
وكٍلٍ يقول:
[.. الصبر مفتاح الفرج..]
*
يقولون: في الدنيا سَعَه
يقولون : في الدنيا عطا
*
*
وكٍبٍرْت ارًدٍدْ ... حٍكْمًةْ القٌولْ القٍديمْ
وانا ادري ان حبري
[..خطْــا..]
وضاعت مفاتيح
[..العًطـا..]
والحلم ضيعته معه
*
*
وقبل ابتدئ
في زخمْ../..اساطيرْ الرُواه / الجُناه
وقبْلْ..ارتوي
منْ كٍذْبة الشٍعر العقيمْ /اٍبن اللًئيم
صحيت اردد
ماقريت..
مٍنْ يَومْ انَا طٍفلٍ .. صغير
*
سمعت صوت!! بداخلي
بين المحاني له صدى
*
وعرفت هالصوت القريب"
....انّه فًرًجْ ..!
وانْ الصًبر .ماتْ
....وخًرًجْ..
منْ اٍرثُ ابوه!

0
واٍنٍي..وصلْت آآخر..مٍسار
بعَرْشْ يحْكُمه
اللًقيطْ
وان العطا../..كلّه خطا
وان الحبر../..صوت القهر
واٍنْ
[.. الصبر.أحيانْ!!ما يُنْجبْ..فَرَجْ...]

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلابك يالقصيد اللي تحداه الظلام وزمْ= هلابك يالقصيد اللي شكى لك شاعرك همّه
*=*
هلابك عدّ ما تسكن حروفك من همومي همْ= هلابك عدّ ما ينطق " رضيع " بميمته فمّه
*=*
أنا واياك ياحرفي مثل " طفلِ " يتيم وعمّ= يحسب انّ الامل عمّه وكل الظلم من عمّه
*=*
وحيد ولا معه غير أالاماني وانّكرته الامْ= تزوّجها الغريب وطفلّها حزّنه سكن دمّه
*=*
تمّسك في طرف ثوب " الغريب " وقال: قلّي تمْ= أبي " منديلها " يبقى بحضني دوم واشمّه
*=*
خذاها زوجها وأبعدْ..توارت واليتيم.. التمْ= على صدّره حزّن عمّره " وكفّه " في دفأ كمّه
*=*
علامك يالقصيد اللّي رواني،وارتواني،غمْ=تبي تجمع من أيامي شتات العمّر وتلمّه
*=*
الا ياكمّ رسمت من الاماني.. ياقصيدي كمْ= آماني بعدها بعد القمّر عن وادي الرمّه
*=*
انا لي.. باول ايامي قصيدِ واضح المَعْلَمْ= عيون النّاس في سرِ كتمته دوم مهتمّه
*=*
سوالف ليل تشهد لي ..ثمان سنين بحر ويمْ= غباي انّي تجاهلت السفيه وراعي النمّه
*=*
دخيلك يالقصيد ابعدْ.. بعيدد.. وعنّ مكاني قمْ= مدام اني فقدت ارقى بطيبي عالي القمّه
*=*
ولكن ياقصيدي خذْ معكّ مني قصيدة ذمْ= قصيدة ذم في وجّه اللئيم وفاقد الذمّه
*=*
مدام ان الفشق واجد..!وطاحت بندٌق المحزمْ= سلام الله على الدنيا -وراعي الطيب والهمّه
*=*
مدام ان الورق خاين..! سلام اللّه على المرسمْ= طريقي غير -وانّت اللي طريقك عنّدهم تمّه
*=*

وداعتك احفظ اسراري وأنا في غيبتك " بــ.." احلمْ"= كما حلّم اليتيم اللي ينادي بالمنام امّه
*
*

[/POEM]