[محمد مهاوش الظفيري]

صمت المحبرة

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا طاري البارحة .... ضج البكا والأنين=وتجمع العمر في دربي .. وضاع أكثره
وتبعثرت في مدارات المدى والسنين= مشاعري .. والورق .. والشعر .. والمحبرة
يا سيدي .. والقصايد كلها كلمتين=هذي تروح ... وتجي هذي مع المقدرة
بأكتب ... ألين الشعر في داخلي يستكين=بأكتب .. ألين الشعر يعكس مدار الكره
ما دام ما تشبه الأشعار وجه الجنين=بأدفن قوافي الشعر في خافقي ...... وأقبره
وما دام ما قيلت الأشعار في ناظرين=تذوب من سحرها الألحان والحنجرة
يصير شكل الشعر ناقص عيون ويدين=طفل مشوّه ..... ولا له ساترٍ يستره
يا مسافرة في عروقي قبل ما تولدين=لأجلك كتبت الشعر ..... و أظل دوم أذكره
ويا .. مسافرة ..للشفق .. لليل .. للياسمين=كل النسا لو تجمّع.... ما تساوي مره
الله .... يا زين هالطاري .. وما أحلى الجبين=يوم ضحكت لي شفاهٍ كلبوها ثمرة
أقول ... وإلا ترى بعض لحكي ما يبين=بأسكت ... لأن السكوت ... أصدق من لمحبرة [/poem]

الخميس
17 / 11 / 1422 هـ
13 / 1 / 2002 مـ