[محمد الناصر الشهري]

[poem=font=",5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

أشعل ..( نجوم الليل) .. لعيونك إصرار ..=وإذا طَفَاها الصبح .. أضوي غرامك

جلست .. أسامر وحدتي حاير أنظار ..= والفاقد المفقود ما يوم لامك

رَفْضَت زوايا غرفتي كل الأعذار ..= واستوحشت في غيبتك من ظلامك

وآطلّ من شباك الأشواق .. محتار..= مخنوق أدورني وأنا بإنعدامك

شفت الشوارع مرّتك .. خلف الأسوار .. = تعبر لطيفك .. صورتك .. و إرتسامك

وآكفّ عيني .. وألمحك فوق الأقمار = وأشوف لآخر نجم واحكي هيامك

اللي كتبته فيك وأعجبك بأشعار = واللي نظمته مادح ٍ بي سهامك

والخافق اللي باح عن كلّ الاسرار = ما بيّح إلا للبدر عن .. (مقامك)

صحّتني اللحظة .. تباريح واقدار=على المدى بان الفجر من لثامك

مثلي رصيف الحيّ بذبول الانوار = وآقول لاشواقي تصحّي منامك

كل الفراغ إنتي وأنا زحمة أفكار = من وين أناظر مَ/المح إلا زحامك

صدر الغياب إن ضاق مافلّ الازرار = مَ/اتنفس أنسام العطر في كلامك

من أول الليلة إلى نور الاسحار = واللي مضى عمر ٍ وبعض إبتسامك

وأشعل نجوم الليل لعيونك إصرار = وإذا إنطفت .. (للعمر أضوي غرامك ) ..!!

[/poem]

.
.
.


.

م / ن