/// ( 1) \\\
محمد الشهري
أشعل ..( نجوم الليل) .. لعيونك إصرار ..=وإذا طَفَاها الصبح .. أضوي غرامك
جلست .. أسامر وحدتي حاير أنظار ..= والفاقد المفقود ما يوم لامك
رَفْضَت زوايا غرفتي كل الأعذار ..= واستوحشت في غيبتك من ظلامك
وآطلّ من شباك الأشواق .. محتار..= مخنوق أدورني وأنا بإنعدامك
شفت الشوارع مرّتك .. خلف الأسوار .. = تعبر لطيفك .. صورتك .. و إرتسامك
وآكفّ عيني .. وألمحك فوق الأقمار = وأشوف لآخر نجم واحكي هيامك
اللي كتبته فيك وأعجبك بأشعار = واللي نظمته مادح ٍ بي سهامك
والخافق اللي باح عن كلّ الاسرار = ما بيّح إلا للبدر عن .. (مقامك)
صحّتني اللحظة .. تباريح واقدار=على المدى بان الفجر من لثامك
مثلي رصيف الحيّ بذبول الانوار = وآقول لاشواقي تصحّي منامك
كل الفراغ إنتي وأنا زحمة أفكار = من وين أناظر مَ/المح إلا زحامك
صدر الغياب إن ضاق مافلّ الازرار = مَ/اتنفس أنسام العطر في كلامك
من أول الليلة إلى نور الاسحار = واللي مضى عمر ٍ وبعض إبتسامك
وأشعل نجوم الليل لعيونك إصرار = وإذا إنطفت .. (للعمر أضوي غرامك ) ..!!
والخافق اللي باح عن كلّ الاسرار = ما بيّح إلا للبدر عن .. (مقامك)
ياااااااااااااااااااااه يامحمد
دعني أغرق يانقي وارجوك لاتنقذني
اشتقت لقراءتك وربي ....
صدقني / حرفك نقش في فكري كالنحت
وفقط
