[بندر الصقر]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقدرة الله , وش بقى يازماني = ضحّيت , لأجل المدبرة , بالمقابيل

الى متى وأنت القريب المداني =واليا نصيتك صرت أبعد من سهيل

من جود كفّك , يا كثر من يعاني=ويا كثر جودك معي , ياوافي الكيل

واليا صفى قلبك , ويوم إحتواني=ينكف علي الهمّ من دون تعليل

مابين ذنبٍ لا نويته , غشاني=ومابين حظٍ ,أعسفه غصب , ويميل

ومابين ديّانٍ ليا أصبحت جاني=ومابين حلمٍ ينتهك حرمة الليل

ومابين نزفي , للأمل , بالثواني=من بعد تضييع المجاديف بالسيل

ومابين فكرٍ توّهتْه المواني=ومابين قلبٍ , أدْمَنتْه , المواويل

تغتابني وتصد , وأجيك عاني=وأدري بأن سنينك عجاف , وأخِيل

ابيك تكْحَلْها , وكحلك عماني=الكحل جرحٍ جَدّ , واصحابي الميل *

الاّ الأسف ! لا تعتذر يازماني =خلّك معي ( شمّاعتي ) للمقابيل[/poem]