[متروك العنزي]

صعب
التفاهم




لقلوبكم

[poem="font="simplified arabic,7,chocolate,bold,italic" bkcolor="transparent" bkimage="./images/backgrounds/95.gif" border="none,7,gray" type=2 line=0 align=center use=ex num="0,black""]

ليه التلاعب بالمشاعر والأحسـاس=ليـه التجنـي والجفـا والملامـه.

ان حان لك فرصه بها تضلم النـاس=تعمـل عمايلـك وتقيـم القيامـه.

لكن تذكر لو دخل قلبـك أحسـاس=الله على الضالـم سريـع انتقامـه.

ضنيت حالك من هل العزم والبـاس=والغطرسه صارت لذاتـك علامـه.

فيك الغرور اضحى يشاطرك الانفاس=شكلك ترى عنـدي قليـل احترامـه

مايجتمـع قلـب(ن) بليـد(ن) وحـسـاس=صعب التفاهـم يارفيـق الندامـه.

رح في طريقك شوف مثلك بالأجناس=عديم ذوق ومنـه نبغـى السلامـه

وارحل قبل لاتاقع الفـاس بالـراس=واحذر غضب رجل(ن) حليم وخصامه.

خلك تروح بسلم من قبـل تنـداس=كرامتك أن كـان عنـدك كرامـه.

ولا تاقف وتنظرلي بعينـك اليـأس=مـا للنـدم منـك بقلبـي شهامـه

قلبي كرهك ولا يبي شكلك اونـاس=وصعب(ن) على مثلـي يغيـر كلامـه

يكفيك خمس اسنين في قلب حساس=حطك بصدره واحتضنـك بعظامـه.

حبك ولكن للأسف شـاف الاتعـاس=كل يوم في ضلمك تزيـد اتهامـه.

يصدق معك ويسامحك وانت دساس=مالك امآن وعنـك فـك التزامـه[/poem]