...................
..................
:
هلا باللي حكاويها .. رذاذ .. وضحكتين وطيب
هلا باللي لها يومين بدون اسباب زعلانه
وجيتي [ كنك الفرحة وانا الذاوي من التعذيب ] !
وكتبت الشعر لعيونك ولو مال الشعر خانه
احبك تعرفي حبك ! حقيقة دون شك وريب
وانا وانتي [ امانينا ] لصدر الغيم .... واحضانه
احبك كثر ماطيفك يودي فالفكر.... ويجيب
احبك وانتي من صغرك مع الاطفال خجلانه
احبك والله ان حبك يغيّبني غلا .... واغيب !
ولااشعر... غير لاجيتي من الاشواق ولهانه
امانه لاتخليني [ وحيد].. وفي يدين الغيب
ترى مالي حياة الا بقربك يااطهر انسانه
امانه كيف بتحمّل غيابك ...!! والغياب مْـريب
وانا لو غبتي بس ليلة احس اطرافي بردانه