[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماهو ضروري احترق فيـك وادفـا=لكن ضروري تحترق بـي وادفيـك
دام الوطن قلبـك وباالعيـن منفـى=ابعترف لك صرت انا ضايـع فيـك
ضايـع ولا لـي بالمخاليـق ملفـى=وشعري لقى نفسه بروعـة قوافيـك
مااريد جرحي بيـن اياديـك يشفـى=يكفيني ان اسمي جرى بين اشافيك !!
جيت ارتجيك وصحت بالصوت تكفى=ماابي ديارك بـس عطنـي منافيـك
الخافي أعظم مدري الأعظم اخفـى=ريحك عصف بي واوجعتني سوافيك
مثل السفـن لاغـادرت دون مرفـا=تايه وجيتك ويـن ابالقـى مرافيـك
متى تحن ونهر الاحبـاب يصفـى ؟=ضامي ولا لي حق في شرب صافيك
من علمك تقسى وتهجـر وتجفـى؟=ما شفت حالي من دلعـك وتجافيـك
مشيت لـك وادري بالاقـدام تحفـى=حاولـت اشبّـك والليالـي تطفيـك
[/POEM]
:079: