.
آسف . . !
.
يا سالفة .. عشقي المغمور .. والمستحيل
ما فيه داعي .. نعيد المسألة .. بالجدال
المشكلة ماهي لفرقا خليل .. لـ لخليل
المشكله تندرج تحت (( انتظار المآل ))
استأذنك بالرحيل .. وخاطري .. بالرحيل
مدام الآمال .. طاحت من يدين الوصال
انا على نيتي كئيب-مرهق-عليل
ردة فعل .. لأي ضيقه مِنْك كذب وظلال
كنت اعشق حيل .. حتى مات بي .. كل حيل
تجرح .. وانا استلطفك ! .. تجرح والف السؤال
تجرح وأكابر معك .. تجرح .. وادور بديل
تجرح وانا اكتم قهر .. تجرح وازيد انحلال
تعبت .. اغيض انكسارات .. السكوت الطويل
ماعاد للجرح .. في كم المواجع مجال
تستكثر الكذب ! فـــ مجامل غلاي الهزيل !
وانا انهمر لك .. وفا .. وآصارع الإحتيال
حتى اذكر إنْ الجمال ان قلت لك يا جميل
من قو صدقي !! .. يخاف !! انك تكون الجمال !
محتاج شخصٍ يوردني حنانه .. سبيل
أنا وحيد وذبحني .. مشهد الإنعزال
محتاج شخصٍ يقدّر تضحيات الأصيل
ياخذ جنوني مدى .. لأوسع حدود الخيال
ومحتاج للشعر ! لو حجم القريحة قليل
هو فيه .. غير الشعر لاضاق صدر الليال !
خلاص ابرحل وادوّر للأماني دليل
لِكُلْ مقامٍ على دمع انهياري .. مقال !
الدمع .. لا تحسبه .. من صدمتينك يسيل
الدمع .. صمت المصير ان جيت له بالسؤال !
خ.خ