[عمر غربي]

المشاركة الأصلية كتبت بواسطة مشعل الذايدي

الى حليمه والزمان المر!!!


[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كثر ماغاب عن عيني حبيب وغالي واصحاب=تمسّكت بطرف آخر سوالفهم ويطرالي ..
تعاليل المساء لا جمعتّنا والسمر بواب=وحكاوي امي العذبه وضحكتها مع عيالي
اسج وخاطري مثل السجين اليا غشاه عتاب=يصحي كل غفوات الحنين ويحتري غالي
ذبحني هالحزن كنّه يطير وله جناح عقاب=تعلّق في مخاليبه عزيز وحزْ في بالي
تسولف لي عيونك يا حليمة عن عيون احباب=نسوا قبل الفراق دموعهم في كمي البالي
تمر وجيههم مثل السحاب الموحش المرتاب =وامرْ وجيههم مثل الكريم ليا غدا خالي
حليمة وش كتب هذا الحنين الموجع اللّهاب=على اوراق السنين الجاعفات اللي تورّالي
حليمة/ يا حليمة/ ياحليمة/ والعذاب اسراب=يوقّع بالحنايا والهديل المُر موالي
منازلهم حزينة والدرايش تشتكي للباب =من رياح الفراق اليا عوت من مرقبٍ عالي
رجيتك يالبعاد اللي تهيجن والحزن عرّاب =امانه قدّني لأقرب طريق وخلني لحالي
خطفني منّهم هذا الغياب اللي يعوج ارقاب=سرقني من بيادرهم هجير وشحْ بظلالي
حلمت البارحه بـ امي (ويدين امي تسيل خضاب=من دموعي).. والوذ بطيفها من قلّة الوالي
صحيت ولا بقى بيدي من ايديها سوى عنّاب=كأن عيونها تنْده تعال اجلس على جالي
حليمة يا حليمة والـ/جروح اكبر من الجلباب=من البارح وهي تثعى وانا احسبها تحلوالي
(حليمه اننا نبقى على أعتابها أغْراب=ونعزِف مِن مآقينا مآقي تُبكي السالي )
تعبنا كم لنا نرجي على صدور السما غيّاب =نفضفض والرجا يحكي عن اللي ذكرهم غالي
حليمه لا غدت كل الجهات الاربع أبلا باب= انا من وين اوجه يا حليمه والخلا خالي !!!؟؟؟ [/poem]

حلمت البارحه بـ امي (ويدين امي تسيل خضاب=من دموعي).. والوذ بطيفها من قلّة الوالي
صحيت ولا بقى بيدي من ايديها سوى عنّاب=كأن عيونها تنْده تعال اجلس على جالي



الله الله عليك يا مشعل

وربي انك اشعلت ليلي شعرا وابداعا

وارويتني شعرا

قرأتها اكثر من مرة

وفي كل مرة اجد لها نكهة اخرى وطعم ألذ

لله درك من مبدع

صح لسانك وسلم نبضك


لك الحب والتقدير

تحياتي لك