[عبدالله العويمر]

أحْباَبي بأبْعَاد
واللّه لايُوجَد لديّ سِوى القَديْم ومنْذُ فَتْرَة ٍ طَويْلَة


لِتَتلَطّفوابِقُبُول القَديم ، وصَاحِبه

[poem="font="simplified arabic,5,darkred,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]على بساط السهر زان القصيد ، وطاري الغيّاب= سمرت بليلة ٍ فيها هـَـجُـوسي مـد فنجـاله

يهلّيبي وانا اللي كن ماغيره لقيت احباب=هجوس ٍ لاشعـرت إنّـي حـزين الحزن يغـتاله

وانا والله حزين،ولاخبرت ان الألم ينساب=مثل ماانساب من قلب ٍ لـقى حـزنه هـو آمـاله

سجين الحزن بعيوني ، وقضبان السجن :اهداب =وله نبرة لهـا قيـد ٍ تراخت فيني حـباله

غريب الذّات لو انّي سكنت ، وحولي الاقراب =هجوسي ياهجوسي جيت لك والحال يـرثى له

صحيح انّك تشوف انّي شموخ ٍ يكتسب إعجاب = لوقته ماحنى راسـه،ولا لـه ميّـل عقاله

صدوق ٍ ماخذل صاحب، ولو باروبه الأصحاب =ولاشال الـردى للي يعادي ، يـوم لـه شاله

حسب للطّيبين ، ولاحسب للمخطيين حـساب = حـشم وجه ٍ لاجل منهـو يحط الطيب معداله

فتح باب الظنون الطيّبه يوم الظنون ابـواب = ولاحط الـنـّدم ياهـاجسي بـيـته ومدهاله

ولكن ياهجوسي لـو بغـيت نعـدّد الأسباب= يطير من الحزن قافك ، وغصن الحزن يبقى له

مابين اللي طعن ظهري ، وبه ظن الرفاقه خاب =رفيق ٍ كان في عـيني عظـيم القدر منزاله

تباهى بالطعون ، ولاترك غير القصـيد عتاب =أقوله لاطرا لـيـل الطعـون وطـاري افعاله

وبين اللي لها في داخلي ياهاجسي ترحاب = عنـود ٍ كلما تـطـري قصيـدي ينشـرح باله

قريبه من عيوني لاطرت لوّ الوهم كذّاب = يحول الصعـب مابيـني وبين الـتـّرف ووصاله

ملاك ٍ هزّت جبال الغـرور بحسنها الجذّاب =فرح فيها الغـمام ، وكايدت بـرقـه وهـمّـاله

عليها كلما تـطري أسمي خايف ٍ مرتاب =من عـيـون الحسد.."ربي يحفظ الحسن وخصاله"

يكفّي ياهجوسي لاطرت ليل السهر لي طاب = تقول ان السهر حفله ، وهي بالحفـل مخـتاله

يكفي تعرف اني لابغيت اوصف اخاف اغتاب=واشيل الذنب في وصف ٍ نقص عنّه ولااوفى له

ولكن دامني جيتك ، وجبنا طاري الغيّاب= تكلمت وعذر قـافي هـجـوسي ( كيف ) فنجاله [/poem]