ما غير انا والظلام وعقرب الساعه
ـــــــــــــــــ من قلة الصوت صوت الوقت يزعجني
ممدي على الشمس مير الروح نزاعه
ــــــــــــــــــــــــــ هاته وخلك طويل الليل تعجبني
لو النوافذ عطتني ( وصل وقطاعه )
ــــــــــــــــــــ ما جيت الوم الظلام اللي يحاصرني
برواز مايل على الحايط وشماعه
ــــــــــــــــــــ تراكمت بالسكون وجت تحطمني
من هو شرى بالغلا مغليه ما باعه
ــــــــــــــــــــ ياليل تكفى ترفق لاتعذبني
هو ليه انا اللي فقد مرساه وشراعه
ــــــــــــــــــ الصمت مقتول بــــ الغبه ويقتلني
دقايق تمرها نجمات لمّاعه
ـــــــــــــــــ من عمري أحسب ثوانيها وتحسبني
ظنون تصدق وبعض ظنون خدّاعه
ـــــــــــــــ ياليتها تصدق ظنوني وتصدقني