[عبدالعزيز السعدي]

الأحبة هنا

إليكم هذه الوحشة

للإستماع و الحفظ اضغط هنا

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من وحشة البرد للشباك لاسراري = للشارع اللي تطفيني عناوينه

قلت أخنق الصمت فيني وآخذ بثاري = حلمي ترمد قبل أوصل ميادينه

جيتك بقاياي أنفضني من غباري = لأوجاع نبضٍ من أول يوم ناسينه

سلمى وأنا اللي زهق هالضيق بأزراري = ما غيره فيني و ما غيرك تفكينه

جنب البنايات وحدي والحزن عاري = "تأخر الوقت" ما جيتي تغطينه

ميعادنا اللي طفى في خيبة آذاري = آذار عدى و وقتي راح تشرينه

صدرٍ يجيبك غصب ويبعثر أفكاري = سلمى فديتك وش اللي بينك وبينه

بشفاه كل الأماكن كنتي الطاري = وبشفاه ليل ٍ مشيتي ما تمرينه

سنتين وأقراك كل ليلة بمشواري = والقاك القاك حلم ٍ صعب تكوينه

منفاي أدري أنا المنفاي بدياري = مليت مني و من دربٍ تجافينه

باقي بهالليل نزف و ريح أشجاري = وأشيائي اللي تنادي جرح مخفينه

بابي و ظلماي دمعي ضيقة جداري = طفل بضلوعي تبكينه تبكينه

دولاب مكتب وجع منثور بأشعاري = جوال مقهور ما صرتي تدقينه

و شرفة تسلل مسا أحزانها لداري = و شاعر بدونك تلاشت زهرة سنينه

خبيت حزني معاي بشنطة أسفاري = مْسافر اليوم بس هذا السفر وينه ؟؟؟

للوحدة للبرد للشباك لاسراري = ولشارعٍ نام نامت به عناوينه[/POEM]

عبدالعزيز السعدي