*
كم لك تمرّ فـ عيون الليل برد و سلام
........................ وأنا تخيّرت عن بردك طريق الدفى
صدري سما في فضاها طار قلبي و حام
........................ مجروح جرح ٍ بعد فرقاك ماله شفا
ما ودّي ألمحك و آصحّي جريح الكلام
........................ و آحبّ كفّين حزني منْك وجه و قفا
يا قلبي اللي رقد بين المواجع .. و قام
........................ ولا لقى شيّ يشبه له بعد ما غفا
أنا .. سراج إنتحل دور و ملامح ظلام
........................ حتّى ملى الليل من نور الشعور .. و طفا
*
إفتح لي الشبّاك .. فمّ الـ هروب ..
من أربعة جدران .. !
العين عصفور .. أهدابها جنحان .. !
و هذا المدى الواسع ..
بارد سما و شعور ..
وأحبابي الغيّاب .. ظلالهم مدود ..
و وجيههم عندي ..
و أجسادهم خلف الليال السود ..
وأنا وحيد ..
مسجون في نفسي .. و أضلاعي القضبان !
*