[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]بسيط.. مترامي تعب.. ساكت.. قليل الأسئله=ما بين صوتي والجميع انسان يذبح كلمتي
يوحي لي الشارع بزحمة حارتيه ومنزله..=إن المنازل حارة التشريد.. ما هي رحمتي
يا حارث نخيل الحبر هو وين راس السنبله؟=عجينة الشعر استوت.. ما ذقت منّك لقمتي
كم لي وانا اسند في حجر زاويتيِ المستبسله=قصيدة التكوين.. واطناب الوجود قلامتي
مع شمس أخاديد النفوس البايره ما لي صله=شبت وذابت شمعة الأحداث.. وآنا بعتمتي
قل لي.. إذا في طهرها بار الذهب والسلسله=من وين أصوغ لفاتنة عمر الأماني حرمتي؟
الشارع عياله تخوّن بك.. أبد مو مشكله=أم المصايب عشت مطعون العمر من لحمتي
لا باس.. واللي ما يجيب نهايتي باستسهله=مهما البحر هاج.. بأمان البيد عاشت خيمتي
لا صارت الغربان تنعق بعْد أذان النافله=ناديت يا طهر المسيح أرجوك عمّد عصمتي
غريب.. متناهي صغر.. واعي.. كثير المرجله=معَ الأوادم .. غربة التكوين .. عاشت لزمتي!! [/poem]

"