" الكرز "
[POEM="font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الكـرز واحـد وعشريـن حبـه=رفرف الغصن وأورق عندليبـه
افتحـوا للشبابـيـك المحـبـه=واصدحـوا بالهلاهيـل الرطيبـة
غافل الشمع فـي عيـده تنبـه=راح ياخذ مـن الظلمـا نصيبـة
طفل من عادتـه يكسـر العبـه=وش عليه ان كسر خاطر حبيبه ؟
سنـةٍ مـن سننـه المستحبـه=يترك قلـوب عشاقـه عطيبـه
ضاااع من قال أنا ضايـع بحبـه=والله إن الدلالـه ضيعتـي بــه
قبلـت الله عليـه شلـون ربـه=خالقٍ مبيسمه يـوم يحكـي بـه
لـو مكنتـه تغافلتـه بحـبـه=مير هو شايفٍ في الأمـر ريبـه
ماحسن الظن فـي ريـحٍ تهبـه=يحسن الظن في مثلـي مصيبـه
المسبه ، بـه الطـرف المسبـه=ماسوى طرفه الساهـي يعيبـه
عجـزت امرايتـه فيـه اتشبـه=حاولـت فيـه ماقـدرت تجيبـه
ضامرٍ مثل رجـل بـراس قبـه=ينفـح بغيمتيـن الصـدر طيبـه
بعد هذا وش اللـي ينكتـب بـه=قبل هذا وش اللي ينقـري يبـه
منبع النهر ، والنهر ، ومصبـه=مشرق النور ، والنور ، ومغيبه
إن بغـا يسلـب الرمـان لبـه=وإن بغا صابـت النعنـاع خيبـه
وإن حلى اللعب والميـدان طبـه=مالـك إلا تقـول الله حسيـبـه
والله إن القـلـوب المستتـبـه=تسطفـق تقـل ناهبهـا نهيبـه
ياهـل العـرف ماقبلـه يجبـه=كيف أجل بالحشا مركي صليبـه
الكـرز واحـد ومليـون أحبـه=من هنا ليـن سكـره وحليبـه
[/POEM]