واقلب ايامي.
. على ضفة جمر..
وبملقطٍ اسود..
يطير الدخان سنين
واسأل..
منهو انا.. من وين..
ليه الوجيه اللي تمر
ما هي وجيه
وليه العيون اللي تشاغبني
ترسيني.. واتيه
وهذا الأزرق المتطاير اشعر به عمر
ياخذ من ضلوعي ومن روحي زهر
ماله اريج.. ماله عطر.
ما عاد لي صاحب وفي
وما عادني صاحب وفي
ولا في احساسي دفا
ولا لي ظلالٍ وفيّ
من هو صعد بي للسديم
ونفثني لهذا الفضا
منهو قضا علي معاي
من يبس الحزن بسماي
ما هو هنا
ولاهو العنا
ويجمّر الملقط.. وانا
اسوّد بعيوني
وبعيون الطريق
بين احتراق انفاسي
وهمي العتيق
ليه اللي نحبه يروح
و اللي يبينا.. أو بلاش..!!
ما عادنا اصحاب الوفا
ولا عادنا ظلال ودفا
مثل الدخان اللي يطير.
مثل الفرح تحت الهجير
يا اللي تقول انك انا
سلّم على الماضي
وكل الحكي الفاضي
انا على ضفة جمر
وبملقطٍ اسود.
اقلب ايامي
وانفثني ازرق للسما
وانفث معي باقي العمر