وين انت ياوجهٍ وقفت آتحراك
.................... بين الوجيه الراحله والمقيمه
كن الليالي واعدتني بلقياك
.................... بين البشر والا على متن غيمه
القلب حطك في سويداه واخفاك
.................... عن عالم النسيان ضمك صميمه
واستبدل الدنيا الوسيعه فـ شباك
.................... يفتح على جنة هواك و ... جحيمه
وكل المدى : لاماك /فرقاك / ذكراك
.................... ويستعرض سنينه هزيمه ...هزيمه
كم له يكابر لا تعطر بطرياك
.................... كم ليلة فيها نديمه ... غريمه
والبارحه ، مال الهوى به وناداك
.................... كثر التحمل ... والتجمل يضيمه
مشتاق لك ... وش يعني الشوق لولاك؟
.................... ياللي جعلت لقسوة الوقت قيمه
هذا اعترافه بانكساره بفرقاك
.................... ياللي قريب ولا شعر بك نديمه
تبعد ... ولكن موقعك دايم ( هناك)
.................... عن عالم النسيان ... ضمك صميمه