[مناحي النفيعي]

كسّري .. كسّري كل الظفاير عتاب !
.................... و أنزعي وجهي من الذاكرة و الصوَر

ما معي عذر للصدّه ولا للغياب
.................... موجعة غيبة العاشق بليّا عذر

إغفري لي أنا ضيّعت درب الصواب
.................... وعيّت أقدامي تودّي لدرب الصبر

بين حيط الضياع وبين حيط العذاب
.................... أكتب أسمك و تبكي لك عيون الحجَر

عاشق ٍ كم طريت الحزن و الإغتراب
.................... لين غبت الغياب اللي يفجّ الصدر !

رتّبي .. رتّبي جروحك شناط و زهاب
.................... ما لبعض الجروح إلا بعيد السفر

و دوّري أرض ما تشبه لروحي .. و باب
.................... لو تهزّه رياح الحزن .. ما ينكسر

صحّ أنا غبت عنْك بدون عذر و جواب
.................... بس مثلك عجزت ألقى بكل البشر !

لو يذرّ الحزن في وجه قلبي تراب
.................... بذْكِرِك و أغسل عروقي بثلج و مطر !