اولى مواطىء الغلا الحقيقي / أبنتي !
( روز )
اتوسل الاحرف لاجلها اياً كان التعبير !
ابشرك قلبي غدا كله لـ روز
___________ ونسيت كل اللي رميته وراها
مكحولة العينين والمبسم الـ لوز
___________ سبحان من ميز بـ قلبي غلاها
ازكى من الريحان واطيب من الجوز
___________ والذ من ريح الخزامى / شذاها
نظراتها غايه وفي صوتها كنوز
___________ وفي قربها المنفي بلاده نساها
انعم من الألماس واغلى من الفوز
___________ وارق واجمل ما تلاقي حـلاها
هذا وانا في قلبها شبه محجوز
___________ ولابي من الدنيا واهلها سواها
ماقلت لك قلبي غدا كله لـ روز
___________ واني رميتك لأجل اطير بـ سماها