[حسين البليهي]

أشكر الأخ سالم السويلمي على هذه الصورة

المعذرة فقد نذرت قلمي لضحايا الأسهم الذين يتزايدون يوما بعد يوم

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
ماعاد ينفع لامحفز ولااخبار = دحدرْ يُدحدر دحدري ياالرعية
السوق ماهو بس ياناس منهار =إلاّ ورد ياناس حوض المنية
اجهز على المسكين مجموعة اشرار =ملثمين الوجه وبواردية
قالوا حرام الشعب وقصار الاشبار= يساووننا بالمال والمقدرية
لازم نرجعهم لخانات الاصفار =ولازم نرجعهم لظهر المطية
يعني بدال الجيب تركب على حمار =والشيخ يركب ناقةٍ دوسرية
وبدال لحم الضان نعلفهم خيار= ونرفع بعد سعر الخيارة شوية
ومافيه مانع بعضهم يدخل شهار= اليانكوى المجنون يصحي خويه
وخلوا بعضهم وسط الأحياء دوار = وعند المساجد يستمد العطية
خلوه فقري دون مأوى ولادار = يستاهل اللي جاه مابه خطية
من قال له بيديه يلعب مع النار = هو مادرى ان النار تعطيه كية
وان مانفع يبشر بقصاف الاعمار =موتٍ فجائي قبل يكتب وصية
سهلة تراها كلها ضغطة ازرار =وخسارته تزداد مية بمية
حسبي عليهم رب عادل وجبار = حسبي على الاشرار صبح وعشية
القط غاب وقام يلعب بنا الفار = والشكوى للقيوم رب البرية
الهيئة عجْزت للأسف تاخذ الثار = وحنا غدينا ياالضعوف الضحية
صقر العروبة فزعتك يابن الاحرار = يابو اليتامى ياحبيب الرعية
ترى الرعية شبْعَت زهود ومرار =وانت العسل لقلوبهم والخلية
تكفى يابو متعب ترى الشعب منهار =إلاّ ورد يابوي حوض المنية



[/poem]

البليهي ليلة الخميس 6/1/1428هـ يوم أن كسر المؤشر حاجز7000هبوطا