[حنان محمد]

اتمنى اعيش . . .
صغير
واموت صغير
برىء ما اعرف التفكير
ما اعرف ابد شيصير

انا كل يوم
اموت مرات . . .
. . . بدون حساب

ابكي كثير
في الشارع على كل باب
اصرخ من كثر ما اموت
ياربي كفاني موت
كل ساعه
يا ربي طلبت الموت . . .
موتني
ارفعني لسماك الازرق . . .
ارفعني
ريحني من عذاب الدنيا . . .
ريحني
سكني الجحيم الاحمر
عذبني بكثر ماتقدر
بس ابعدني عن ارضك
بس ابعدني عن عبدك
ياربي مت كثير
بين اهلي
بين الناس
مت كثير . . .
وانا ادور
عن الاحسان والاحساس
وهو معدوم بين الناس

ماتدرون ليش . . .
ادعي انا ربي يموتني
ما تدرون . . .
ليش الموت من كل صوب ياخذني
بدون احساب
عشت بقلبي بين الناس
في عيوني واحاسيسي
وشفت اكثير
مظلومين في الدنيا
شفت الحق
وهو يضيع
من ايد الفقير
الضايع الغرقان بدموعه
شفت شعوب
بدون ذنوب
مسجونه . . .
بكهوف الموت
تدورعن طريق النور
عن درب السلام الابيض
عن درب الحياة الاخضر
المقطوع بالصاروخ . . . والمدفع
وشفت الناس
تاكل ناس
وسط النور
تحت الشمس
طول الليل . . . في كل وقت
وكل ما اشوف انا منظر
كان الموت بعد ومازال يمسكني
بدينه الخشنه يقتلني
اظن تدرون
ليش انا ادعي ربي يموتني
وليش اتمنى . .
اعيش صغير . . . واموت صغير
في الدنيا