[باتل عبدالعزيز]

هذا شهر عدّى وانا ما ذقت طعمٍ للسهاد

......................................... انام نومات البليد اللي من الدنيا خلي

لنّي وعيت لخمّةٍ تحسب مدى كلمة ( ستاد )

......................................... تحمل وراها شيٍ اكبر من ( أجب عمَّ يلي ) !!

زرنيخهم ما موّهوه الا وبيّن في المداد

......................................... واحساسهم ما زخرفوه ... وكان عن عيني جلي

بس الغبي دايم يحس انه يزيد من الرشاد

.......................................... وهو يزيد من الغباء .... يعني غباءه مرحلي !!

مابين ( قوسين الغباء ) تستذكي ( قلوب الجماد )

.......................................... ياحليل ... هذاك الغبي .... ما ذاق لذة مقتلي !!

يا آخر سوادٍ مرني كنت ادري انك من سواد

......................................... بس انت والله ما دريت ان آخري مثل اولي

تعيش كنه ما خلق ( للشعر ) ( مثلك في البلاد )

...................................... واعيش عمري ما آعرف وش يطلع ( محمد علي )

احيان اجوع .. لدفتري .. وتمرني ( سبعٍ شداد )

.................................. واحيان لسنين بتجي ... اقول ..... ياسنيني كلي !!

ازرع نصوصي قمح .. لكن ... ما انتظر يوم الحصاد

................................. لو عاتبوني .. في ضياع القمح .. ناسٍ من هلي

للطير .. تاكل من سنابل قمحي .. بيوتٍ جداد

................................. تسقيه روحٍ ... نبعها ... لا زاد نزفه ... يمتلي

مدري ... نطقت الشعر ... آهة جوع .... في سن المهاد

............................. والا .. لقيته يوم .... نابت .... في حديقة منزلي !!