[عطاالله ممدوح]

:


:

[poem=font="traditional arabic,7,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طاروق الاشعـــــــارهيـــجنّي وهيــــــــجــنته=قامت توارد على هاجـــــــــوسي افــكــــاره
ياما انتظــــــرته علـــــى جمـر وتحيـــــّــنـتــــه=إلين جتـــــني تــــدرهــــــم خيـرة بكــــــارة
وزنت قـــــــــــافه وهـــذّبتــــــــه ولحـــــــنـتـه=حتى استــــــوى لي (شمـــام) وشرع ستاره
فرض على صــــدري المحــــــزون هيمنته=وعـــــزف على جـــــروح خفاقي (بقيــثـاره)
الصـــدر (منجــــم قصيـــد) ولو تمــاكـــــنتـه=بنيت رجـمــــــي على (نيــــره) (وسنجاره)
اعلنــت شيٍ قليــــــــل وشي مــــــا اعلنـــته=لو غيمته في ثنــــايا الــــــــــــروح مـــدراره
لو كــــــــــل شي يهبّ البـــــــال بـيـّــنتـــــه=ماملّ صدري وضـــــاق بزحمـــــــة اسراره
والحـــــلـــــم لامـــرّ في بالــــــي ولـــــونـته=لافقت من سكْـرته ردتـــــــني اســـــــواره
(ثوب الوفـــا) في جميــــل الصبـــــر زينته=لــــو ان خضـــــــر الطعـــون تفــتّح ازراره
يامخلف العــهـــد ليه العهـــد ماصــــنتــــه=وانا من اقصــــــاي جيت ابقطف ثمـــاره
كــــم لي وانا اتوق له حتى اني ادمنـتـه=ورميت له في بحــور الوصــــــل (سنـــاره)
لكنـــّك العـــهــــــد ذكّـــيــــته وكفّــــنــــتــه=وتركتـــني بيــــن مـــدخــــــاله ومظــهاره
دنيا غريـبه يخـونـــك شخص ماخنــته !!=صدق المظاهر تكــــــون احيان غـداره
ياكــــــمّ زول تهــــابـــــه من معيــــانـــتــه=وليا تكــــلّم بعيــنك طـــاح مقـــــــــداره
وياكــــمّ زول ليــــا شفــتــــه تهـــــاونـتـــه=وعند الشدايـد هو اللي توخذ اشواره
وياكم رجل رحــاة الفـــقـــــر طاحنـــته=وتشاهد النـــاس ملتمــّـه على وجــــاره
وكم واحد يعجبك بيتــه و(مدخنــتــه)=ماقـــالوا النــــاس فيـــها دخنت نــــاره
هذا بعــــض ماتــذكّرتــــــه ودونــــتــــه=وكلن على مايقــــدم تذكــر اخبــــاره
واللي لــــه الصعب طـــوّعته وهـــونـته=اقفت ظعونه ولا ادري وين(توثــــاره)
اصنــــــع له العـــذر لكــــن زاد فرعنـــتـه=حتى امتلت في عيوني سله اعذاره
[/poem]