جرّب تلمّ الدمع من سطـوة الشَـرك
جـرّب تبـدد ظلمـة الليـل حولـي
جرّب تدوّر راحه اريح مـن التـرك
ما طاح من حِملـك تلقّـى حمولـي
كن العنا لا صاح بي : من هو اجبرك
تشيلني ؟ .. شخصٍ جبانٍ وصولي !
لا غاب صوتك واوشك القلب يخسرك
صار الخريف أجمل وألطف فصولي !
يا قلبي المُتعب ( تعافيت ) ما اصبرك
لا شفت نجم الحب يرقـب أفولـي !
و لا شفت نبضك تعركه حسرتك عرك
ولا به أحد يجمـع بقايـا فلولـي !
ما ضرّك الا من هو أضناك واخبـرك
صوت الجراح اللي يسابق وصولـي
لا صرت له صيده .. ونظراته الشرك
قل له : ترى بُعْدك مكبّـل حجولـي
يكفي حبيبي ضاع عمـري أبسهـرك
ليتـك تبـدد ظلمـة الليـل حولـي