[سرحان الزهراني]

آسف !
جداً جداً جداً
آسف لـ : احلامي الورديّة
للبيت العامر باصحابه
آسف وطني , انتاجك أصبح كاسد
مثل المنصب ,
تملاه بشخصٍ فاسد
آسف , ماباقي حنيّة ..
آسف للغلبان / الطيّب
آسف طولي , وآسف عرضي
باعتني حتّى أرضي ..
آسف للدنيا المليانة / سكّر / ضغط / أمراضٍ أخرى
آسف للقاصي / للداني
للمسئول الفاضي ,
أبرد كلمة عنده :
برّااا !

قلنا نحزن , يوم اثنين , ثلاثة .. عشرة
يمكن تفرج !
ياكرهي للحزن اليائس
تحزن تحزن .. تصبح يابس
ترجع تضحك من حزنك ..
وتشيل احزانك حسره

بلديّة , يا بلديّة
نتأسّف يا بلديّة ..
نتأسف يا منحة مفقودة
واصبر طيّب , تاكل عظمك أصغر دودة
والمنحة باقي ما جت !
وانا جاتك / كوعك بوسه ,, لو جاك الكهرب والمويه !

آسف جدّة , جاك السيل بلا تحذير !
ماقال البارح بيزورك
ما قاله ..
والسادة عنّك لاهين ... تدخل تخرج ملايين
وانتي المسكينة يا جدة
في شبر المويه تبتلّين ..
آسف والله .. فيني ضحكة
أقصد كحّة
أقصد حكّة !!
بطّلنا .. ما نقصد شي !!

آسف يا بنك التسليف ..
ياللي محتاج لـ / تلييف !
قدّمت اليوم أوراقي .. محتاج لقرض الأسره
قالوا باقي .. عمرك توّه , منتب شاقي
لازم توصل ثلاثين ,
واولاد وحرمة بالبيت !!
واقعد غنّي , ليل وليل
عين وعين

آسف يا دورة تثمين ..
أرض , وفيلا من دورين
آسف جداً يا وطني
حاكيتك غصبٍ عنّي
ضحّكت الناس الـ / ماتضحك
ما كنت اقصد , لكن جوعي تعّبني
أمراضي , همّي .. لكنّي ..
آسف جداً يا وطني


اوووه .. دايم أنسى
آسف جداً stc
رقمي شحن ولا يمديني .. عرضك روعة , قلّي / منسي
دايم سبّاقة للخير
دعمك ما منّه تقصير
أحلى أخلاق , وأحلى رزّه
شوفي حتّى .. من طيبك سمّيتك / عزّه !
..