نكمل
اول ما اوصل المكتب ادخل من الباب اللي صوب البوفيه عشان يشوفني ارشد اني جيت
لانه ما يجب القهوه الا لما يشوفني وصلت
من كثر ما طلعت عينه قبل
يجيب القهوة وحضرتي للحين ما شرف
ولأن هالباب يمر بممر فيه اغلب الموظفين
اقضيها سلامات وصباحات لين اوصل مكتبي
اشغل الجهاز وانتظر القهوه
اول شي اسويه ادخل ايميل الدوام اشوف شنو فيه من اشغال
ادخل موقع جريدة الرأي العام وايميلي الخاص اشوف شنو الجديد
بعد ما اخلص من قراءة الجريدة اختار مواضيع ابي اقراها بمخمخه من الجريدة طبعا
اطبعها وانتظر الفنجان الثاني
طبعا ارشد طلع قرار يقول فيه ممنوع تشرب فنجاني قهوة ورا بعض
لذلك قرر انه يجيب الفنجان الثاني بعد الساعه عشرة
وانا تقبلت القرار على مضض <<< اهم شي مضض
بنفس الوقت اكون فاتح اكثر من منتدى مشارك فيه
والموقع الدائم اللي ما يفارق الشاشه في الدوام وفي البيت
هو موقع كورة
هالموقع عجيب وانا اعتبره وجهتي الاولى دائما
اقرا فيه الاخبار الرياضيه والمقالات الرياضيه وجدول المباريات
من الاخر
هالموقع عجييييييييييييييييييييييييييب
بعد ثاني فنجان قهوة
راسي يفتر على زقاره يعني سيجارة بالعربي
اشيل اوراقي واروح غرفة التدخين
اعمر لي زقارتين واعبي الطاسه
بعدها راجع المكتب دايخ من السكره
يمر باقي وقت الدوام بين الشغل وبين ضفاف والمواقع
لين تجي الساعه اربع
اشيل اغراضي
اطفي الجهاز وبنفس طريق الجيه الصبح تكون الطلعه
مرور بطريقي المفضل إلى البيت
إلى أن يصحوني من أحلامي عيال شارعنا وهم يلعبون كورة بنص الشارع
ترى صج
كل يوم يلعبون
شكل الدروي عندهم مبلش
يتبع
[ يومكن ]