[مشعل فايح]

عطني من وقتك دقايق..
واترك الباقي علي..
ليه متكدر وضايق.
وما بيدّك اي شي..

يا حبيبي والسعادة للسعيد
ودربها عنّا بعيد..
من هو يختار المصير.
ليه نكررها ونعيد.
انت مو ناقص ضياع
وانا حيّ وماني حيّ

يا حبيبي.. غلطة الحب الكبيرة
بالوهمّ..
ليش تسألني دموعك.. من هو فينا
اللي ظلمّ..
تتهمني بالنهاية
وترمي أحزانك عليّ
كلنا قلبٍ روح..
وكل مركب له مراسي.
واللي مو حمل المآسي
يركب الموج ويروح.
وانت رحت وما رجعت
وانا رحت بألف كيّ

يا حبيبي.. رحلة الدنيا قصيرة
يا نمضيها بمحبة..
يا نفضّ الحلم سيرة..
ليش تجرح واجرحك
لانت مرتاح بوجودي
ولاني قادر افرحك

موقفي واضح وكافي
أمسح دموعك وداع.
انت اخترت المنافي
وانا راضي بالضياع
ما بيدي عمر ثاني
وما بيدّك اي شي.