السلام عليكم ورحمة الله وبركاته
اسعد الله جميع اوقاتكم بكل خير
.
.
.
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
وصول ... يا ( مْلَمّحَه لي بالمحبه ) ... وصول=حلال ... لو بعْدها تشقين قلبي ... حلال
ما جيتك ... إلا رجل عاشق ... يقول ويطول=لو إن ... ما كل صامل راي ... لا قال طال
لكني أكد على سابق كلامي ... وأقول..=تبت يدي ... كان ما طالت عسير المنال ..!
أنا سلومي ... سلوم الغانمين الزحول=وأفهم تفاصيل .. نظرات الغنج والدلال
فارس ... مقدم مع أول مسرجين الخيول=و لا أرجع إلا ... بنصر ومربح و راس مال
كريم ... وفعولي تشرف ما بين الفعول=أكْرِم من اختصني ... وأملا بطون الهمال
عاشق ... عسفت العسيره .. مثل عسف الذلول=ومن أول الوجد ... لك شديت حبل الرحال
شاعر ... لقلبي ميول ... ولأغنياتي ميول=وللحرن ... من نبضي الباقي .. نصيب وليال
ما ني مفوّه ... ولا ني مثل رمشك .. كسول=أرقب ... وفي محزمي طلقة .. عزا ... و احتفال
إحساس مذهل ... وكانك ودك اللي يهول=تعالي وثم قولي ... يا محمد .. تعال
تجلي .. إحساس من نوره تدثر ... بتول=راع الظلال يتشت قبلها ... والظلال ..
استغفر الله ... لم أرقا لقطف النزول=لكنك أنتي لحال ... وكل جيلك ... لحال
وصفك ... ملامح خيالية ... وِشيكة حصول=فيها الجمال أنتها ... وأسس بداية جمال
قُبلة محيّا ... جسم متفاهم ... وطول ... طول ...=أقرب إلى البدر ...من أربع تعش والهلال
مع كامل الحسن ... بك رفعة خُلق ... في قبول=رغم أنهن عنك قالن ... وأسهبن بالمقال
يقولن أشياء كثيره ... ما تخش العقول=منها حكاية ... بقت في خاطري لا تزال
يقال ... متكبره ... ( في وصف كذب ) ... وزعول=ويقال في ظلم وإجحاف ... أنتي أحلا غزال
مقارنه ظالمه و اللي فبالي يجول=هو أنتي ولا الحلي .. بالثاني أكثر كمال ..؟
لو الذهب عن وهج نحرك هناك معزول=ما صار ومض الجواهر فوق صدرك ظلال .. ؟
في نحرك الوصف الأقرب حال ... الأكثر شمول=سلسال متعلق بعنقك ... وسلسال سال
عذري مع الدهشه ... ان فكرت أقرب ... وأنول=أني غصن ... مع هبوب الشوق ... بالشوق مال
وان شفتي ... ( الفارس المذهل ) ... بحالة ذهول=همسك على قلبه ... أقوى من صياح القتال
وان بان ... عندك على ( راع الكرم والأصول=شح وأنانيه وربكه ... تراه اعتدال
بين الحبايب لو إسراف التكلف يحول=تبقى القلوب الشواهد ... والنقاء طيب فال
وإذا التقينا ... وقام إحساس حبك يجول=تسكن علوم الرجال ... اللي تخص الرجال
دام المحبه مشاعر خالده ... ما تزول=ليلة سعدنا نبيها ... نجمة الكرنفال
هذي تفاصيل ... فيها ما نويت الدخول=لكني من السهر والهم والانشغال
أحيان ... ما غير اسولف مع هذول و هذول=وأحيان ... أنادي على الغّياب ... من ضيق بال
يا معلقه ... حلم عمري ... عمرحلمي ... عجول=والصمت خلا الجواب ... يصير مدخل سؤال
بين أزدحام المشاكل ... وإعتذار الحلول=أمد صبري ... على باب انتظر ... و إحتمال
وأحسّك أعمق من الشوق الحثيث الملول=وأنا شمالي ...وأقول بطيبة أهل الشمال
اختاري أسعد سنه ... واختاري أحلا الفصول=ولاّ خذي كل عمري ... دام فيها مجال
استمطريني ... وأنا كلي جفاف وذبول=واستبشري ... ما على قلب الشقاوي محال
لك في سما الروح ... غيمة .. ما تمل الهطول=تمطر على .. قفر صدك ... لين ينبت وصال
يا مترفه ... خلي لكتفي ثقال الحمول=وأمشي على فطرتك ... بين السهل والجبال
نظراتك توردك للما ... وقلبك جفول=... من جد .. عفوية الواقع ... تفوق الخيال
حلاة تلميحك ... اللي يعتصرني ... خجول=وحلاة همالي ... اللي ينسكب لك ... زلال[/poem]
.
.
.
نحياتي