مدخل :
وتِترنَّح مثل مـَ الرّيح تِلعَب فـ الشَّجَر ./ وتْطيّر الأغصَان
___________ / _ وتِتساقَط علـى هَيئَة وَرَقْ فَوق السّفِلْتْ ./ وبارد أرصِفْـتَه
حَزيِـنْ وتفْـرِكْ أنفَاسَك يِدَيْك المُتعَبَة ./ وتكَحْكِحْ أياً كَانْ
___________ / _ ويِتْصَاعَد دُخاَنْ الضِّيقْ مِنْ فَمَّك عَلـى وَجْه الفَضَـا شِفْتَـه
تميِطَكْ هالعيوُن السَّاذِجَه عَنْ دَرْبَها وانت اللي فِيكْ انْسان
___________ / _ يِعاني الجُوع فِي فَصْل احتياجك للرّغِيفْ ./ وإنت مـ/ انصَفْتَه
تِمدّ إيدَيْـك تِتْوَسّل قلوُب المُحسنِين ./ ولَيْت مَوتْـك حان
___________ / _ تِرِيق الصّوت من صَدرَك ./ دُعاءٍ ./ مِن تعفَّف ضَاق بـ:افأفته
هِنا " للّـه " تِتْمَضْمَضْ برِيقَـك للتَّعب ./ و تَعكِّز الجُدرَان
___________ / _ ويِهُطل مِنْ سَحَـاب اهدابك الدّمْـع العَـزيِز ./ ولا تِلَقفِّتَـه
هِنا " للّـه " يا رَثّ الثّيابْ وما أَواك إلا سَمَا ./ و احيَـان
___________ / _ تِنَام اللّيل ./ تِتْغطـى بـِ شَرْشَف مِـن وَرَق بالي ./ تِلَحفّته
تِسولفِ لَك مَعك ./ عَنّك تِرّسم ع التّراب ولا مَعَاك الوّان
___________ / _ وتاّكل فُوقَ مائدتَك سَمَـك توُنـه ./ يَدِين النّـاس خَلّفته .!
عَليّ سوُلِف عن اهلك / عن وَطَنْكْ/ وسَاقَك المَبتُور والخلّان
___________ / _ تِعبت أتأملّـك تِعفُـر فـِ/ وجه النّـاس ./ لَيْنْ البَرد والفته
يِجِيء اللّيل حِالِك ./ وانت حَارِس حيّنا يـ: الغابِر الجَيعان
___________ / _ سنين ./ وهَـ الفَقَر ما حرّضـك تسرِق أحد فيِنا ./ ولا خِفْته
دخيلك لا تفارِقني ./ تِكلَّم ./ بـّ/ اسَمْعك لو هَمْهَمَه يـ: فلان
___________ / _ تراي أكثر فَضَاوة مِن جيوُبك./ بطنك ./ الليْ فجوعك اتلفته
مَلَلتْ العَيش في وَكر الظّلام ./ وبين رَدهات القلق واحزان
___________ / _ وانا شبّـاك لا لمّ الحَمام تصحّـي هذيّ الرّيـح ./ رَفْرفته
فمان اللـه يـ: البحر العميق ./ الهادي / الغافي بلا شطآن
___________ / _ انا رايح مَدام انّ الحَكـي مَا دَبّ فـ امواجك ./ و فلسفته
ولكن هاك هـ العشرة ريال اللي بِقَت من راتبـي لـِ الآن
___________ / _ أخاف أشْرِي بهـا صاحب يضايقنـي اذا مـا يوم سلفّته
عبدالعزيز محمـد المـالكي
لا حظنا مؤخراً تغيراً واضحاً في شكل القصائد واساليب الشعراء , وهذا التغير نابع من فكرة التجديد في الشِعر .
وفكرة التجديد في الشِعر جيدة إذا طبقت بشكل سليم وإذا عوملت على أنها أمتداد للسابق , فهي تجديد له .
ولكن البعض يرى التخلي عن السابق كلياً والإتيان بما هو جديد , فينساق الشاعر وراء هذه الفكرة ويأخذه الحماس إلى اهمال اشياء اساسيه في القصيدة , فمثلاً يأتي بألفاظ منمقة جميلة ولكن لا تشير إلى المعنى , أو لا تشير إلى أي معنى ولكن هذا الشاعر وحده هو الذي نعرفه لأنه هو المبدع المجدد .
وتأخذ فكرة التجديد بعض الشعراء إلى التكلف وتوظيف الكلمات وإخراج المعاني ( قد تكون ) سليمه ولكن في قصيدة ميتة بدون روح قتلها التكلف .
ورغم ذلك نقول أن هناك من جدد وأبدع .
لاحظنا ايضاً تسليط الأضواء بشكل مركز على مجموعة من الشعراء , فازدادوا بريقاً على بريقهم حتى أن أكثرهم أكتفى بهذه الأضواء ولم يلاحظ اختفاء بريقه الأصلي .
يوماً ما تنطفى هذه الأضواء وسيصدم هؤلاء عندما يكتشفون بأنهم أصبحوا باهتين مظلمين .
رؤية / سموّ
مخرج :
الحياة اغصان.. شف عاد انت كم لك غصنٍ اخضر
لو بقا بك شي من عمر وحكايات الطفوله
.
وجهك الليله يقربني من الانسـان اكثر
حزنك الليله يحدثني عن الدمع وفصوله
.
لو سكتّ ومارضيت تبوح عن مابك وتجهر
ريحة الذكرى تفوووح بكل ماودي تقوله
.
اذكرك والوقت مثل الحلم واجمل منْه وابهر
تركض بعمرك هنا وهناااااك ماتخشى ذبوله
.
واذكرك بالطيش تسبقني وتتمادى وتفخر
وانت في بالك تعلمني مفاهيم الرجوله !
.
واذكرك واوراقنا ماقد غزاها اللون الاصفر
تكتب وتشطب حروف الحب واحلامك خجوله
.
واذكرك والحاره ام الناس لمّا تنام .. تسهر
كان للاسرار في صوتك دفااا له كنت اولـه
.
واذكرك ومغازَل البيبان ..ماتقدر وتقدر
في حياك وفي جنونك شي انا مـ اقدر اطوله
.
واذكرك نادمتني ليلة قصيد وكنت الاشعر
ليلةٍ مرّت سنين اعمارنـا فيها عجوله !
.
واذكرك والذكريات اغلى هدايا العمر واطهر
كم تركت بقلبي الدنيا من الحب امغسوله !
.
السنين اتشيب والايام تركض وانت تصغر !
كنك اللي ماعرف يكبر وخان الكلّ حوله
.
منْك روحي لو لمست اطرافها بالشعر وامطر ..
طاح منها كل ماودي وماودك نقـوله
.
ذكرياتك (عُمْر) كم فيها حيااااة وطفلٍ اسمر !
كل ماغمضت في قلبي عليها .. صوتوا له
.
والحياة اغصان شف كم لك وكم لي غصنٍ اخضر
لو بقت فـ ارواحنا (ضحكه) من ايام الطفوله
عاطف الحربي