[ظافر الهرمسي الهاجري]

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]





[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الوقت ليل / وساعة الذكرى تـُشير =لمنتصف شارع متاهات الحزن
ما بين شارع عِكرمه وأبن المغير =شيعت جثمان الأماني والمحن
بحضور حزني والامل قربي كسير =ينفث دُخانه في متاهات الحزن
لف الحنين بخاطري لف الحرير =يوزع البسمه على من ودعن
ويرتفع في داخلي صوت الضمير =( حتى الضمير الحي عرضه للفتن )
وقفت آخايل حيرتي والخوف دير =يرسم دواير غربتي والقلب حن
وتطاير بجوي على جال الغدير =وجه ٍ يراودني وجرح ٍ ما سكن
في هامش الدرب الطويل المستدير =مرت علي أسراب لحظات الوهن
والعتمة اللي ما لقت بالصدر (غير =روس الهموم السارحه ما صدرن ! )
كيات الأيام البعيدة لو يصير =نسيانها ... لا جن ليلي ... ما يجن
لكن بقت بالذاكرة مثل الضرير =بين القرايا ضايع وبين المدن
كنه يقول : ( السالفه ) ما هي بخير =والسالفه حزن ٍ قديم وبه شجن
ويا حينا .. مطربك جاهل للمصير =مزماره المكسور ما يجبر لحن
هو يحسب الدنيا على عزفه تسير =( للماء والخضرة وللوجه الحسن )
ما يدرك أن الظلم له حس ٍ خطير =ضيء القمر بالليل / والجنه عدن
راحوا وخلوني وانا توي صغير =تطردني أحلامي ويطردني الوسن
ولقيتني في معمع النور البصير =من هو خذا مني / وخلاني لمن ؟
بعض الحظوظ أفقر من اهموم الفقير =اللي بلا سجان بالنفس أنسجن
عايش أمير ولو أنا مانيب أمير =كل البلاد أرضي وحرماني وطن ![/poem]







[/poem]