[عبدالله الضبعان]

وامتداداً لجسر التواصل معكم ,,

إليكم ,, ,,

(( صوتيه ))

[poem=font="traditional arabic,6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] الغايب اللي يتل القلب ,, طاريّه = وشفيه طوّل عديل الروح ,, بغيابه

اللي على شوفته نفسي ,, شفاويّه = عليه عوج المحاني برهجة ,, بابه

اقفى ولا ادري على نيّة ,, حراويّه = مدري على وين نوّخ مدمي ,, ركابه

باقفاه كن البدر ضيّع ,, سنا ضيّه = وماكنّه إلاّ خذا روحي ,, وقفابه

انا ادري إني على باله ,, وياويّه = ياحيف خِضْر السنين وكيف ,, سوابه

يوم ان كلن توجّد في بعد ,, حيّه = لايابعد حي ,, عبدالله ,, وغيّابه

عوّد ,, وروض الحشا لك صار ,, محميّه = وفياض قلبي مواويلك ,, تغنابه

والناس عيد ,, وتعال وقول ,, عيديّه = خل المشاعر سعيد العيد ,, تهنابه

والروح لاميّته ,, شفها ولا حيّه = مابين فكين جور غيابك ,, ونابه

والجمرة اللي بكف الشوق ,, مضويّه = شف لوعة العاشق الملهوف ,, باهدابه

شف كيف ,, والشوق بي حفْية ,, مواطيّه = ماغير دوّار والخفاق ,, مرقابه

والصبر ,, لولاه فيني راكزٍ ,, غِيّه = انكان مبطي جملْه تطلفح ,, اجنابه

واليا طرالك ,, بعد كل هالبطى ,, جيّه = والشمس بان الجديل وذبّت ,, حجابه

تلقان وجهٍ شحوب وفيه ,, ماريّه = به من هجير السنين وكيّة ,, احبابه

هذاك انا ,, والخفوق ,, ومسْْْْْمع اذنيّه = كلن عليك يتحرّى ,, عينه افـ/بابه

ياروح روحي ,, تعال وقول ,, عيديّه = خل التغلي ,, تعااال ,,وطوّح اطنابه[/poem]

عبدالله بن سالم الضبعان