[زخات مطر]

المشاركة الأصلية كتبت بواسطة خالد الحبشان

والله بتجي طخة قوووووية


....
واحد من الأصدقاء الله يجزاه خير عمل ممشى بـ 400 الف ريال تبرع خيري منه لأهل الحي اللي يعانون من السمنة والسكر لأجل صحتهم وموقع الممشى في غرب الدمام
الحاصل الممشى صار ماهو ممشى صار غزل عيني عينك وصارت فيه أحداث مثيرة توهق خوينا بالله
جاء قبل ستة شهور طالب الفزعة قلت وش تبي نسوي نخلع بلاط الممشى قال لا افزع لنا بدورية تحرص الممشى عاد أنت لك كلمة مسموعة عند زملائك أفزع لنا له بدورية والله لك ثواب ويرتاح أخوك بالله .
بس الدورية على شان خطرنا جلست شهرين وسحبوا على الممشى ماصاروا يتحملون المناظر السوداء هناك الحاصل في الموضوع
رجع صاحبنا قال ابوخلود الحق الممشى بيصير وراه بلاوي متلته واتوقع بتطير أرقاب فيه .
قلت الله يكفينا الشر وش العلم قال واحد من الشباب الله يهديهم غازل وحده واتصلت هالوحده على زوجها زوجها طلع سواق قلابي وعلى طول جاك تال القلابي وسيّيده للشاب صاحب السيارة وهوب وصدمه عنيفة ومحطتين بالعجرا الشاب يتلوى بالشارع أسعفوه الناس خوينا المتبرع صار هالتبرع نشبة له في حياته يحس بتأنيب الضمير مع كل حادثة .
هوب وش الراي واحنا مجتمعين قبل ليلتين قلت انا جبت لك الحل اللي فعلا راح يزلزل المجتمع السعودي قال هاته يبو خلود
قلت انا اشعر ان العباءة السوداء فيها إنّ وراهم مايغيرون العباية من اللون الأسود إلى الأخضر وبكذا نكسب عصفورين بحجر واحد أولا اللون الوطني هو اللون الأخضر ثانيا مااتوقع الشباب بيناظرون لوحده عبايتها خضراء .
المجلس من أوله الآخره ضحكه طويلة .
في نهاية الجلسة قلت الا وش رايكم نروح نخلع بلاط الممشى أخاف خوينا المتبرع يصيبه السكر بسبب هالممشى .

جالس أفكر أروح أشوف الممشى هذا وش قصته

ههههههههههههههه
ههههههههههههههههههههههه

يا ليل وبعدين مع بعض هالناس اللي مخربين علينا

يعني ان جينا نبي نمشي بالشارع لحقونا !

ما صارت ؟!

أقترح يخلون الممشى لهم يقعدون فيه يمكن يسمنون شوي هالشباب ههههههههههه

المشكلة انهم مو خايفين من أحد ماخذين الأمر عاااااادي ! الله يهديهم بس

وبعدين تراهم شباب فاضين ما يدرون وش يسوون قالوا خلونا نهبل ببنات خلق الله

الله يهديهم !