[صالح العرجان]

الإثنين 19 جمادى الأولى

للمدرسة ماني رايح
ترا أقعد ابوك يا عبيد
بكيفك تبين تقعدينه قعديه مدرسة اليوم ما اروح لها
أسمع الصوت وأتنيوم يمكن الله يهديه ويروح من نفسه بدل ما اقوم واوصله لصفه
رفسة برفسة
أصر على موقفه
طبعاً قمت له ابغى اشوف وش تاليها معه
خير يا ابو
الناس كلن بحاله وحنا مكتوب علينا من بد خلقه ينسمع صوتنا
شنطتك ووجهك على الباب يالله
اصبر الله يطول لي بعمرك لا تشوت قبل تسمعني
وعلى غير العاده وقفت اسمع وش عنده هالمره
قام يتفدى للموقف الإيجابي مني
وأدرج المانع بضحكة حجاج
[ يبه الحين حنا كل واحد مناعلى كتفه اليمين ملك وكتفه الأخر ملك صح قلت إيه صح قال وش الهدف قلت له منهو في يمينك يكتب حسناتك ومنهو يسارك يكتب سيئاتك واضح الكلام قال واضح كلامك واضح بس فيه شيء ما اظنه واضح قلت وش بعد قال صح الله يعرف كل شيء ويشوف كل شيء قلت إيه قال أجل ليه الملكين يسجلون كل شيء وهو خالق كل شيء ]

علامة إكس مبكره بوجه الحياة
حاست معالم الطريق المؤدي للعمل بذاكرتي
ليصرف له يوم راحه من هم الطابور والحصص !!



ود