صباح المطر 
اقتباس:
المشاركة الأصلية كتبت بواسطة إغفاءة حلم
الله يرزقش كل خير يافطوم 
أنا أدرس في مدرسة تحفيظ مسائية عندنا بالقرية اللي أنا فيها ...
الحفظ مقسم فيها لمدة خمس سنوات والسنة السادسة مراجعة للقرآن بشكل كامل ...
طبعاً مافيها حفظ مكثف الحفظ المكثف فقط لخاتمات القرآن .. لكن اللي توها تبدأ لا ...
أول مادخلت كنت متضايقة جداً وليش وخمس سنوات طويلة والخ ..
لكن للأمانة إتقان تلاوة القرآن جداً جداً دقيقة ...وأكتشفت أنه تدارس القرآن وتدارس علم التجويد بحد ذاته يتطلب
تمرين شديد للفك .. ومخارج الحروف .. وصفاتهم .. والخ
عالعموم إذا ودش بمكثف في معهد اسمه أمهات المؤمنين ...
بس شرط الحفظ المكثف فيه تكونين حافظة خمس أجزاء من القرآن وبتجويد مُتقن ودقيق ...
يعني لا تحسبين تجويد إبتدائي تجويد :d
وفي مركز اسمه مركز الدورات الصيفية ... هذا اللي أعرفه يسوي دورات صيفية ...
يعني اللي ندرسه حنا بسنة تدرسينه بشهر .. في الصيف يعني كل صيفية يختصرون سنة الدراسة في شهر واحد ...وكل وحدة
يحطونها بالمستوى اللي يناسبها .. من حيث قراءتها ... يعني جديدة وغير متقنة على طول تأهيلي .. حتى انا الحين بمستوى أول .. لو ماعجبتهم
على طول يرجعوني تأهيلي ...
بس هذا ماله مكان محدد يعني هم ياخذون مدارس او أماكن بالصيف ويتم التدارس فيها وهم يبلغونش عن المكان ...
وصراحة حلو جداً للي تدرس وترجع تأكد دراستها من جديد في هالشهر ... لكن اللي ماتدرس ماانصحها ..
فيه لأنه صعب مثلاً تختمين سبع أجزاء في شهروبإتقان قوي ...وتجويد محكم ..
وماأنصحش أبداً بالمكثف إذا ودش تتقين القرآن للأمانة ..
هذا بالتفصيل الممل .. << مير حلاتش ساكته
|
فديت روحك ياغالية
أدري بالتفاصيل هذي كلها ياعمري , لأني أساساً موظفة بمدرسة من المدارس التابعة لجمعية التحفيظ بس حبيت أسأل قلت يمكن مدرستك قريبة أو أعرف فيها أحد 
والله يوفقك ويعينك على حفظ القرآن , بخصوص الدورة الصيفية وصلتنا الاستمارات قبل الإجازة الطويلة اللي مدتها أسبوع بس ترددت في التسجيل لأن توقيتها ( كان ) مايناسبني أبد
لكن شكلي والله أعلم راح أعيد النظر لأن استجدت ظروف واحتمال أسجل , مع إني بديت حفظ عندنا في المدرسة , في وحدة من المعلمات مصرية الله يجزاها خير تدور الأجر من وراي 
وكل يوم لما تخلص من حلقتها تجي وتسمع لي .. لكن الحفظ في الحلقات وتحت إشراف معلمة أفضل .
أما أمهات المؤمنين فمحتاج تفرغ مايبيله وحدة فوق راسها 600 شغلة نفس حالاتي .. ومعهد الدورات قريب مننا ونظامه حلو لكن دوامي صباح ومساء يعني هم مايناسب 
الله ييسر لنا وإياك ويوفقك يـ إغفاءة وإن شاءالله نحتفل فيك وأنتي خاتمة القرآن ..
لاتقولين لي أحمد عامر .. ترى أذبحك