معدل تقييم المستوى: 21
مدري بس حبيت اشوف اذا تنجح مع احد ولا انا جد مخلوق فضائي ..
يا كثر حبي للكلام .. مدري ، يمكن لأني بنت D: أو يمكن لأني أفكر كثير كثير كثير لدرجة إني يوصل بي التفكير إني أفكر و أنا أحلم .. ! أو يمكن لأني أكتب :p عندي صديقتين زي عيوني الثنتين بالضبط ، محد يفكر يناقشني فيهم أساسا .. لأن بحياتي محد وقف معايا مثلهم فبالنسبة لي هم خارجين عن إطار أي نقاش و حتى لما اكتبلهم مثلا نص و الخ و كثير أسويها ما اطرحه في أي مكان لأنه بالنسبة لي كبير على النقد .. كبير على أي شي و محد يقدر يفهم هالعلاقة الي بيننا الا الي يعرف إش يعني صداقة و أخوة روحية كلها تضحية مافيها أي نوع من تفضيل الأنا على الغير .. طبعا العلاقة هذي ما انبنت بسهولة يا كثر كانت مشاكل بيننا و يا كثر تعبنا لنوصلها لهالقوة و لهالمتانة و إذا كان هالعلاقتين علموني شي فهم علموني إنه أصعب علاقات هي انجح العلاقات و أقواها . كان في شي مهم ، هو عادة عندي كثير ناس ما تحبها حولي ولكن أنا ما أعطي بال لأني أحس اني أحتاجها وما أقدر أستغني عنها . و العادة هذي كانت مشكلة بيني و بين صديقتي الثنتين و بعد ما مرت السنين علينا كل وحدة فيهم قالتلي انه هالعادة علمتهم شي مهم و ناجح في حياتهم و خلتهم يفهموا أشياء كثير ما كانوا قادرين يفهموها . و يحلوا مشاكل اكثر . كانت العادة هذي هي الكلام إذا صارت مشكلة مثلا ، أو زعل .. أنا أجي أمسك كل وحدة فيهم : تعالي قوليلي ليه زعلت .. وتجي تقول و مثلا يصير بيننا نقاش حاد .. تقوم هي تبي تنهي الحوار .. أقوم أنا أرفض و أحيانا رفضي يصير صعب انك تقوله لأ لأني أصير شرسة شوي المهم أجبرها تجلس و تتكلم معايا و تطلع كل الي جواها حتى لو كان تهزيء صياح الخ اي شي ، المهم ما يبقى شي جواها في عقلها في قلبها إلا و قالته . مو مشكلة نهزء بعض نصيح نكسر التلفون عادي .. أهم شي ما يبقى حاجة جوة .. بعد ما ننتهي من النقاش .. أو الصياح بمعنى آخر كل واحد يحوال يقنع الثاني .. انا سويت كذا عشان و عشان و عشان و انا عملت كذا عشان و عشان و عشان .. شوي شوي يهدا الجو و يصير أكثر حميمية و أكثر تسامح بجد .. دايما أسويها .. بعد كذا .. هالمشكلة نفسها الي سببت كل هالعواصف .. ماعاد تتكرر و إذا تكررت فكم مرة و تختفي .. و إش يصير ؟ في حوار .. في تفهم أكثر .. و الي أهم من كذا .. حتى لو ما أقنعتنا الأسباب و المبررات .. نحترمها و نسكت و نتقبل رغبات الطرف الآخر .. وحدة من هالثنتين سكوتية بشكل خيالي .. كانت تجنني لما تزعل .. تسكت و تقلب وجهها و تكشر في وجهي وما تقلي انها زعلانة ولا من ايش .. انا طبعا انسانة مباشرة أكره اللف و الدوران اش كنت اسوي اقلها مع نفسك لما تزعلي تعالي قولي من ايش ولا احلمي اراضيك .. تسكت و تطنشني و تقلب علي بجد و في النهاية تطفش لأني اسأل مرة وحدة اش في ما عجبك بكيفك .. صرت أقلها شوفي : قوليلي من اش زعلانة و ليه ولك علي حتى لو انا غلطانة أراضيك لكن تقلبي علي و انا زي البلهاء ولا أدري اش الحكاية لا مع نفسك حتى لو انا غلطانة ما رح أعتذر .. اليوم .. أنا صرت أمر بحالات سكوت .. و ماأبي اتكلم مع احد و تجي هي تقلي ماني سايبتك تعالي تكلمي وهي الي كانت أكبر سكوتية في العالم .. و الي اكثر من كذا صارت تحل مشاكلها مع صاحباتها والي حولها بنفس الطريقة مو بنفس الصياح طبعا انا انسانة انفعل بس اقصد انه لازم كل واحد يطلع الي جواه و صارت ما تعرف تحكي حتى اي شي تفكر فيه إلا لي .. تقول ما أعرف أحكي الي جواي غير لك لأنك علمتيني كيف أفضفض لك .. الزبدة من هالكلام كله .. انه لليوم ما لقيت طريقة أفضل لحل المشاكل غير من انه الواحد يعبر عن كل جواه فرضا غلط عالثاني .. طيب اش المشكلة .. مو الناس تغلط ؟! و تتسامح لما تفهم ؟! اهم شي الكلام الغلط هذا ما ينعاد ؟! خلاص انحلت المشكلة .. بعدين مو شرط كل الناس تكون حماسية ولا انفعالية في تعبيرها / هذي أنا حالة خاصة محاربة حتى آخر رمق جربوها و شوفوا التأثير ..