[أمجد الدبيسي]

مدخل

[poem=font="traditional arabic,6,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالدار جني وجنيّه=والفكر تتراقص جنونه
يالليل مافيك حنيّه=والصبح مانعرف لحونه[/poem]

(( وجه وظفاير ))

[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مليت من غربه وترحال وهموم=ومليت من فكري ومن حال جاير
حتى المكان اللي انا فيه ملزوم=مل التعب كنه يهل العباير
احيان اخاطب ماكويته من هدوم=واسمع صداها بين لعب الستاير
اسكت وعيني شافت علوم وعلوم=ناسٍ تجي وتروح وسط العواير
مشيتها ياما على بالي حلوم=لين اتضح مابين وجه وظفاير
لاياصديق القوم لاتعلم القوم=خل الذي صاير ولاكن صاير
هذا المطر ينزل وحنا له غيوم=والخوف ماله دار بين الزراير
خلك كذا انسان بالحس معدوم=والا تذوق من الدواير دواير
حنا رفاقة درب محتاج لعزوم=ولانحسب حساب العنا والخساير
الصبح كنه من قسى الليل ملطوم=والناس ماعادت تحب البشاير
ياصاحبي مجلاسنا كله نجوم=وذاك القمر واقف ولاهو بحاير
واللي تشوفه صدق لا مانت موهوم=سولف ترى مافيه ضيق وعزاير
ديارنا غربه ومجلاسنا هموم=بنعيش ولو هالوقت بالحيل جاير[/poem]

مخرج

[poem=font="traditional arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله تفرج عن السهران=اللي قضا وقته يحاتي
مشتاق لمصافح الاوطان=والخوف كله من الآتي[/poem]