ترى الهوى لو يختلف في مسيره
. . . . مثل الرطب لا حفـّه الطير ثم طاح
عطني سبب للجرح وأقول خيره
. . . . أستاهله لا صرت عاشق وسباح
و دام الهقاوي في غلاتك كبيره
. . . . خلي الوفا من بيننا نور وضاح
لك في خفوقي بيت شيخ وعشيره
. . . . يشاركونك حزن من قبل الأفراح
شوفي غلاك شلون ينفح عبيره
. . . . تهدينه جروحك ويهديك تفاح
مابي اطولها لو إنها قصيره
. . . . انا أغار وغيرتي سمها ذحاح
على متن السحابه
على متن السحابه ياسحابه
. . . ابرسل لك من فنون الخطابه
قصيده تخبرك وتقول حبك
. . . يزيد وزاد به صدري رحابه
ياورده حطت الورد بشعرها
. . . وظهر بالوردتين اكبر تشابه
الاولى وردة بلون البنفسج
. . . والاخرى نور عيني لا غرابه
ملاك وسيًدة سيـد التواضع
. . . سؤآل وتعتذر عنه الإجابه
خذت من هالبني كل الإنوثه
. . . وخذت من هيبة الفارس مهابه
جسدها منه هالعالم تعطر
. . . يعبو الغرش لازاد إنسكابه
وسواليف الخجل فيها حكايه
. . . يتوه العقل لا منه حكابه
كراميل البشر اقرب مسمًى
. . . تسوق اللي نظرها للإذابه
اشوف الغاليه بيت السعاده
. . . وانا يمناي تمد صوب بابه
متى تاصل يميني باب بيته
. . . واودع وحدتي ودنيا الكئابه
واغني صارت الدنيا جميله
. . . يـ اجمل ما حمل حظي وجابه
عجب للشعر لا منه لفاني
. . . يعلمني الرسم قبل الكتابه