[فاطمة ناصر]

المشاركة الأصلية كتبت بواسطة شهاب الأحمد

السلااام عليكم ....تجديدا للعهد ... وللتواصل والتوثيق...

متواضعه .. اتمنى قبولها.......
(الحلم .. والواقع..).....
*

[poem=font=",5,darkblue,bold,normal" bkcolor="transparent" bkimage="http://www.ab33ad.com/vb/mwaextraedit4/backgrounds/9.gif" border="outset,8,red" type=2 line=0 align=center use=ex num="0,black""]

عمر السفن ماتشتكي موج الإبحار=وحيان الاشياء تبتدي بالنهايه
والدله اللي ترتكي بطرف النار=تهدي فناجيل الكرم للهدايه
التجربه درس ومفاهيم وعذار=راعي ولكن وين حق الرعايه
يامسرجٍ في خاطري نور الافكار=هذي عيوني تعتني بك عنايه
صخرت لك معنى وصورة وتذكار=وصافحت صبح المجد لعيون آيه
ونثرت لك لون الزمرد على الطار=وفجيت لك نحر البحر في عصايه
مدامي اللي ماتعديت الاسوار= هذا مداي بداخلي وش خطايه
ماشوف انا داعي على شان تحتار= وتعيش ماضمة فصول الروايه
سافر مدامك تحتمل درب الاسفار=تبدأ مسافات الكتابه قرايه
ماجيتك الا والخبر مفرح وسار=ومارحت عنك الا معاك المرايه
فيها تشوف الرمز والمبهم أنوار=وتقدر تعرف إلكل معنى كنايه
هذا ونا مستعجل وتوني مار=ماخذت من وقتي معاها كفايه
وشلون لو اعيشها سبر واغوار=كان احتمال الوقت يطلب رضايه
تحفظ بها حقوق ورجاجيل واقدار=وفيها عن الشر المقدر وقايه
اعظم هيام إهيام في واد الاذكار=ابعد من ظهور الكواكب مدايه
مدام مالك بالمدى لجة إغبار=خل السوالف عنك واسمع ندايه
الحلم مثل الثلج والواقع النار=دنياك تمثيل وبعضها دعايه
ياكثر ماقامت سلاطين وديار= ياكثر مازالت وصارت حكايه
ياما إقصرت فيها طويلات الاشبار=تحسب على المجني عليه الجنايه
فيها الأوآدم مسلمينٍ وكفار=صنفين لاثالث ورايه ورايه
احدٍ قدر واحدٍ تمشيه الاقدار=ومن لاقدر ملزوم بدفع جبايه
من هاجر بدينه تلقاه الانصار=درء المفاسد والفتن والغوايه
تاريخنا ثابت رغم انف الإعصار= اللي ابتلانا يوم ضرب البنايه
كيف النتيجه مننا يطلب الثار=يعني إمخطط للعمل في درايه
منا وعلينا نفتح الظلم والنار= في حربهم صرنا وسيله وغايه
مالومهم (ياخي) على كثر ماصار= بعض الكراسي تستمد الحمايه

[/poem]

* ارق التحايااا.

* وجل الاحتراام.

شهاب الاحمد الشمري.

سا أعلنها قصيدة هذا المساء
وخالقي من أول المسا وانا اتهيل من القصيد ولا اثملتني الا هي
صح الساتك ونبضك وكلك
عز الله انها وافيه من وافي تقصر دونه كل الحروف الابجديه