ســـــواحــــــل وادريـــــــن
ومرينا السواحل مالقينا لك ولاذكرى
_____________ غريبه كيف راحت بك صواري البعد للغربه
كأنك ماهديت لـ( وادرين)ـك شيلة ٍ حمرا
____________ ولكنك هديت لـْها جراح ٍ مؤلمة صعبه
تقول [انساك بالآخر] وانا مازلت بك اقرا
_____________ ارتل بك نشيج البعْـــــــد وابْكي واقـــع النكبه
سنابل من شعِر كانت حقول احْلامي العذرا
_____________ شراييني تغذيها ... نمت بضلوعي الخصبه
تقول البارحه (وحده) عن اشْعاري انا قشرا
_____________ وانا والله يا(فلانه) ... قصيدي طالقــــه سربه
يحلق في سماء الشعر ما ينزل على قفرا
______________ لإنه عالي ٍ شانه مع النجمات أشْرق بـــــــه
مفاعيلن مفاعيلن وجيتك ساعة المسرى
_______________ مفــاعيلن مفـــاعيلن وبحري حافظه دربه
اجل يعني مدام انك رميتي بْسكتي جمرا
________________ تبين اسْكت واخلـِّى لك عيون الشعر في جبه
نعم لو[ وادرين] الشعر طلت تختفي القمرا
_______________ جبان اللي تقصـَّدني وأغرز بالحشا حربه
ترى ارض الشعر صارت .. تشابه قسوة الصحرا
______________ ودرب الشاعرة مؤلم . .يودِّيهــــــا إلى الكربه
حرام انـَّا نخط شْعورنا وعْظامنا تذرا
____________ وتطعم للرياح .....وْتتبع النسيان و التـربه
حبيبي ماعرفت ان البشر اطباعهم غبرا
_____________ يحاول بعضهم يطعن.. يظن اقـْلامنا لعبه
امر بْساحل الضيقه اجدد ساعة الذكرى
______________ قصيدي لك وطن.. يا تاركي في قسوة الغربه
( شعر : وادرين )
مجلة جواهر 1-7-2010