منهك و بس ؟؟ قاتل !
شوفي، انت لازم تراجعين عند دكتور .. ما ينفع كذا .. شكله صداعك شرس زي صداعي .. بداية النوبة يعني اول ما يبدأ الألم عندك .. تدرين الدكاترة ش يسمون النوبة ؟؟ Attack بالعربي يعني هجوم أو هجمة .. أول ما يهجم عليك الصداع 
تكون هذي بداية النوبة .. أنا الي أعرفه انه في نوعين من الشقيقة - طبعا هذا الكلام الي قاله أول دكتور رحت عنده " اخصائي مخ و أعصاب " - نوع خفيف ، و نوع قوي.. لما دورت بالنت لقيت كلام كثير ما حعرف أشرحلك هو في انجليزي و في عربي المهم شغلة .. الحين ليه يصير الصداع ؟!! أو بالأحرى كيف يصير .. شرايين الدماغ يحصلها انقباض شديد و توسع شديد .. و هذا هو الي يسبب الألم . يقول الدكتور انه عادة يجي من سن العشرين و يختفي بسن الأربعين .. بس صراحة ما أعرف إذا هالكلام صح أو لأ شوفي انا و اختي الكبيرة و أمي عندنا صداع نصفي .. امي بنص الأربعين .. و تعاني منه خاصة انه عندها الضغط .. فتخيلي صدع ضغط مع صداع نصفي ؟!! حالة !!
ليه يجي، أو ليه يصير ما أعرف .. له علاقة بالنفسية يقولون .. ما أعرف .. انا معايا هالصداع من زمااان من وأنا طفلة بس ما كان بالحدة و الشراسة الي الحين .. يعني ممكن مرة بالسنة مرة كل ستة شهور .. زي كذا
الين ثاني سنة بالجامعة صار سيء بشكل ما تتخيليه .. اول ما بدأ معايا الدكتور عطاني ادوية مسكنة لآلام الشقيقة بالذات، cafegort و في imigran هذولا قلي وقت الأزمة، و عطاني موسع شرايين inderal برضه مع الأزمة "النوبة " وبعدها ب 3 ايام، 10 ملغ 3 مرات باليوم .. هذي يجي حبوب لونها وردي أو احمر فاتح صغيرة .. و عطاني مهدئ اسمه treptizol طبعا هذا الأخير مو متأكدة من املائي صح له ولا لأ بس اتوقع هو كذا .. و جلست فترة
ما ارتحت ابدا لا مع الدكتور ولا مع الأدوية .. بعدين رحت راجعت عند استشاري جراحة مخ و أعصاب و بدى يجرب معايا كذا نوع للحين اهو لي سنتين تقريبا .. مافي شي ما زلت مستمر ع inderal وفيفادول بلس و وقت ما تكون النوبة سيئة مرة ما عندي غير الفولتارين ولو انه الدكتور هذا قلي ما اكثر منه لأنه يضر المعدة .. على فكرة حتى البروفين يضر المعدة انا لي تاريخ معاه جرب معايا topamax و هذا حبة وحدة بهذلتني .. لكن اختي تستخدمه عادي ما يسوي لها شي .. تختلف أصلا ردات الفعل من جسم لجسم عشان كذا اقلك انا ممكن اعطيك كل ملفي .. بس ما ينفعك بشي لازم تراجعين انت بنفسك و تشوفي الدكتور اش يعطيك .. اعرف وحدة عطاها الدكتور حقتها treptizol و مسكن ما اعرف اش اسمه و قلها تستمر عليه لمدة سنة كاملة يوميا و ترجع له .. وتقلي مشي الحال معاها .. يا بنت انا حتى سويت حجامة عشان الصداع .. مافي شي فادني .. عموما أنا بقلك على طريقة وقت ما تحسي انك ميتة من العذاب .. خذي مويا زمزم و اقري عليها الفاتحة آية الكرسي و المعوذات و تغسلي بيها و صدقيني تلاقي الصداع راح .. ولو تشربيه كل يوم يكون مرة احسن ..
امممم انا عن نفسي تجيني نوبات و أنا نايمة و هذي أسوأ و أشرس نوبة ممكن أمر فيها .. أنام طبيعي مافي شي و أصحى مو قادرة أفتح عيوني من الألم و أظل طول النهار نايمة نايمة نايمة .. لدرجة اهلي يصيروا في حالة قلق ممكن انام اكثر من 14 ساعة بسببها ..
صدقيني انا دايما اتعب .. من شقيقة و غيره ما مريت بشي مرعب زيها .. لازم تراجعي للدكتور وما تسكتي على نفسك يا سماء .. أبدا أبدا .. و أساسا كل الأدوية الي قلتلك عليها ما تنصرف غير بوصفة من الدكتور و خاصة treptizol لأنه مهدئ مو مسكن . هذا يخليك تنامي يساعدك إذا انت من الناس الي ما يقدروا يناموا وقت الصداع .. امي و اختي اذا صدعوا ما يقدروا يناموا انا العكس تماما ..
في إبر كتبلي عليها الدكتور قلي آخذها بدل الفولتارين بس ناسية اسمها بكرا ان شاء الله اجيبلك هي .. بس هذي صراحة ما استخدمتها لأنها عبر الوريد و انا عندي مشكلة نفسية مع هالإبر مررة تألمني الي بكف اليد ..
لازم تروحي دكتور .. لازم
و ع فكرة imigran منعوه في السعودية ما اعرف ليه بس دكتوري مصمم علي اني اجيبه من مصر ..
و دكتوري هذا مانعني من كل مشتقات الألبان و الشوكولا .. هي فعلا تزيد من حدة نوبات الشقيقة لأنها تعمل تدفق للدم في الشرايين .. بس زي ما قلتلك مو كل الناس سوا .. امي و اختي ما تأثر فيهم أنا لو أكلت قطعة صغيرة من الشوكولا احس بانفجار في راسي ..