وعطني لهـم مـن علمـك الواسـع علـوم
لا مـنّـي علّمـتـه حــدٍ منّـهـم فــاز
واسـمٍ يجنبـهـم هَــل الــذم والـلـوم
وعـزمٍ لهـم فـي سـود الأيـام معـنـاز
ونظـره تركّبـهـم طـريـق الـهـدى دوم
وقلـبٍ لهـم صافـي ووافــي ومنـحـاز
ومـا منهـم اللـي بـات ليلَتْـه مظـلـوم
ولافيهـم الـلـي يـمـد يمـنـاه معـتـاز
ولامنهـم اللـي مـاعـرف لــذّة الـنـوم
عيشَتْـه صـوره حولهـا الحـزن بـرواز !
هم في عيوني كـوم .. والنـاس فـي كـوم
هـم لـي مشاريـع ونجـاحـات وانـجـاز
أغلـى علـي مـن كـل مـارج وزيــزوم
وأحلالـي مْــن ورود مشـهـد وشـيـراز
تصـوّروا مـن فـرط حبـي لـهـم يــوم
يـوم ٍأبشـرح كـل مـا فيـه بـ/ يـجـاز
ضميـان وأجـوائـي لواهـيـب وسـمـوم
مـا أروى ولـو انـي علـى شـط الأهـواز
خدودهـم ياللـي مـن الـتـوت مـحـروم
حطيـت داخــل جوفـهـا عــود مــزاز
وشربـت ليـن أزريـت لاأقـعـد ولاقــوم
عطشان (مـا) وأركـى علـى نهـر شيفـاز
وأنفاسهـم عنـبـر وكــادي ومشـمـوم
وعيونهـم يحتـر مــن وسْعَـهـا الـبـاز
وأرياقـهـم ماذاقـهـا قيـصـر الـــروم
وصْورّهـم اعجـاز ف/ اعجـاز ف/ اعجـاز
كَبْـروا علـى عُـرف وتقالـيـد وسـلـوم
وحصّنتهـم فـي مـا تعلمـه بــن بــاز
وعلمتـهـم لـحـم المخالـيـق مسـمـوم
وابليـس وابـن ابليـس للـسّـو منـغـاز
وان الحيـاه قـلـوب وأحــلام وعــزوم
وان المواهـب صـقـل واتـقـان وابــراز
وان الوطـن مـاهـوب للبـيـع والـسـوم
وان ثروتـه ماهيـب فـي النفـط والـغـاز
واخلاصنـا لـه واجـب وأمــر محـسـوم
وماننتظـر للـذود عــن حــدّه ايـعـاز
وظروفنـا لـو تمطـر غيومـهـا هـمـوم
نصبـر صبـر غـزّه علـى جـور موفـاز
وان الطـرب ماهـوب صــوت أم كلـثـوم
ولا بْـموسيقى (البوب) و (الروك) و (الجاز) !
نـطـرب عـلـى يالله .. يـاحـي قـيّـوم
ذكـر بعـلاج قـلـوب الأمــوات يمـتـاز
:
:
القصيدة لـ فهد عبدان
والله يحفظ هالحلوين / اللهم آمين